علامہ اقبال کے آ سے اشعار

علامہ اقبال کے’’  آ  ‘‘ سےاشعار

( کل تعداد : 27)

۔۔۔۔۔(1)۔۔۔۔۔

آبرو باقی تری ملّت  کی  جمعّیت  سے تھی

جب یہ جمعّیت گئی ،  دُنیا  میں  رسوا   تُو   ہوا

۔۔۔۔۔(2)۔۔۔۔۔

آتی ہے صبا واں سےپلٹ جانےکی خاطر

بےچاری کلی کھلتی ہے مُرجھانے کی خاطر

۔۔۔۔۔(3)۔۔۔۔۔

آج ہیں خاموش وہ دشتِ جنون پرور جہاں

رقص میں لیلیٰ رہی ، لیلیٰ کے دیوانے رہے

۔۔۔۔۔(4)۔۔۔۔۔

آہ   اے   جِبریل !   تُو   واقِف   نہیں   اس   راز   سے

کر گیا  سرمست   مجھ   کو    ٹوٹ   کر   میرا   سبُو

۔۔۔۔۔(5)۔۔۔۔۔

آسماں تیری لحد  پر شبنم افشانی کرے

سبزۂ  نُورَستہ  اس  گھر کی نگہبانی کرے

۔۔۔۔۔(6)۔۔۔۔۔

آشنا اپنی حقیقت سے ہو اے دہقاں ذرا

دانہ بھی   تو،کھیتی بھی  تو،باراں بھی  تو،حاصل بھی  تو

۔۔۔۔۔(7)۔۔۔۔۔

آغوش صدف جس کے نصیبوں میں نہیں ہے

وہ قطرۂ نیساں کبھی  بنتا  نہیں گوہر

۔۔۔۔۔(8)۔۔۔۔۔

آگ ہے ،اولاد ابراہیمؑ ہے،نمرودہے

کیاکسی کوپھر کسی  کاامتحاں مقصودہے!

۔۔۔۔۔(9)۔۔۔۔۔

آنکھ  جو  کچھ  دیکھتی  ہے ،  لب  پہ  آسکتا  نہیں

محوِ  حیرت ہوں کہ دنیا کیا ہو جائے گی

۔۔۔۔۔(10)۔۔۔۔۔

آئین جوانمرداں،حق گوئی و بےبا کی

اللہ کےشیروں کوآتی نہیں رُوباہی

۔۔۔۔۔(11)۔۔۔۔۔

آہ کس کی جستجو آوارہ  رکھتی ہے تجھے

راہ  تو، رہرو بھی تو،رہبر بھی  تو، منزل بھی تو

۔۔۔۔۔(12)۔۔۔۔۔

آہ   کہ  کھویا  گیا  تجھ  سےفقیری کاراز

ورنہ  ہے  مالِ  فقیر سلطنتِ روم وشام

۔۔۔۔۔(13)۔۔۔۔۔

آہ! مسلم بھی زمانے سے یونہی رخصت  ہوا

آسماں سے ابر آذاری اُٹھا ، برسا، گیا

۔۔۔۔۔(14)۔۔۔۔۔

آ گیا عین لڑائی میں اگر وقتِ نماز

قبلہ رُو ہو کے زمیں بوس ہوئی قوم حجاز

۔۔۔۔۔(15)۔۔۔۔۔

آتا ہے یاد مجھ کو گزرا ہوا  زمانا

وہ باغ کی بہاریں، وہ سب کا چہچہانا

۔۔۔۔۔(16)۔۔۔۔۔

آتش نمرود ہےاب تک جہاں میں شعلہ ریز

ہوگیاآنکھوں سے پنہاں کیوں ترا سوز کہن

۔۔۔۔۔(17)۔۔۔۔۔

آج بھی ہوجوابراہیمؑ کا ایمان پیدا

آگ  کرسکتی ہےاندازِ  گلستان پیدا

۔۔۔۔۔(18)۔۔۔۔۔

آزاد مجھ کو کردے،اوقید کرنے  والے!

میں بے زباں ہوں قیدی، تو چھوڑکر دُعا لے

۔۔۔۔۔(19)۔۔۔۔۔

آزادیاں کہاں وہ اب اپنےگھونسلےکی

اپنی خوشی سے آنا،اپنی خوشی سےجانا

۔۔۔۔۔(20)۔۔۔۔۔

آئے  عشاق ،  گئے وعدۂ   فردا لے کر

اب اُنہیں ڈُھونڈ چراغ رُخِ زیبا لےکر

۔۔۔۔۔(21)۔۔۔۔۔

آہ ! اس راز سے واقف ہے نہ ملا، نہ فقیر

وحدت افکار کی بے وحدتِ کردار ہے خام

۔۔۔۔۔(22)۔۔۔۔۔

آہ! اس عادت میں ہم آہنگ ہوں میں بھی  ترا

تو  تلّون آشنا، میں بھی  تلّون آشنا

۔۔۔۔۔(23)۔۔۔۔۔

آہ!  بد  قسمت رہے آوازِ  حق سے بے خبر

غافل اپنے پھل کی شیرنیی سے ہوتا ہے  شجر

۔۔۔۔۔(24)۔۔۔۔۔

آہ! کیوں!دکھ دینے والی شےسے  تجھ کو پیار ہے

کھیل اس کاغذ کے ٹکرے سے،یہ بےآزار  ہے

۔۔۔۔۔(25)۔۔۔۔۔

آہ! یہ دستِ جفا جُو اسے   گل   رنگین نہیں

کس طرح تجھ کو یہ سمجھاؤں کہ میں  گلچیں نہیں

۔۔۔۔۔(26)۔۔۔۔۔

آیا ہے تو جہاں میں مثالِ شرار دیکھ

دَم دے نہ جائے ہستی ناپائیدار دیکھ

۔۔۔۔۔(27)۔۔۔۔۔

آ،غیریت کے پردے اک بار پھر اُٹھا دیں

 پچھڑوں کو پھر ملادیں،نقشِ دُوئی مٹا دیں

---

آ -  ا -  ب -  پ -  ت -  ٹ -  ج -  چ -  ح -  خ -  د -  ڈ -  ذ -  ر -  ز -  س -  ش

ص -  ض -  ط -  ظ -  ع -  غ -  ف -  ق -  ک -  گ -  ل -  م -  ن -  و -  ہ -  ے

---