علامہ اقبال کے خ سے اشعار

علامہ محمد اقبال ؒکے ’’ خ ‘‘ سے اشعار

(کل تعداد : 62)

۔۔۔۔۔(1)۔۔۔۔۔

خاک کے ڈھیر کو اکسیر بنادیتی ہے

وہ اثر رکھتی ہے خاکستر پروانۂ دل

۔۔۔۔۔(2)۔۔۔۔۔

خاک میں تجھ کو مقدر نے ملایا ہے اگر

تو عصا اُفتاد سے پیدا مثال دانہ کر

۔۔۔۔۔(3)۔۔۔۔۔

خاکی ہے مگر اس کے انداز ہیں افلاکی

رومی ہے، نہ شامی ہے، کاشی نہ سمرقندی

۔۔۔۔۔(4)۔۔۔۔۔

خام ہے جب تک تو ہے مٹی کا اک انبار تُو

پختہ ہو جائے تو ہے شمشیر بے زنہار تُو

۔۔۔۔۔(5)۔۔۔۔۔

خبر نہیں کیا ہے نام اس کا، خدا فریبی

عمل سے فارغ ہوا مسلماں بنا کے تقدیر کا بہانہ

۔۔۔۔۔(6)۔۔۔۔۔

خدا تجھے کسی طوفان سے آشنا کردے

کہ تیرے بحر کی موجوں میں اضطراب نہیں

۔۔۔۔۔(7)۔۔۔۔۔

خدا جانے مجھے کیا ہوگیا ہے

خرد بیزار دل سے، دل کرد سے

۔۔۔۔۔(8)۔۔۔۔۔

خدا کی شان ہے ناچیز چیز بن بیٹھیں

جو بے شعور ہوں یوں باتمیز بن بیٹھیں

۔۔۔۔۔(9)۔۔۔۔۔

خدا کے پاک بندوں کو حکومت میں، غلامی میں

زِرہ کوئی اگر محفوظ رکھتی ہے تو استغنا

۔۔۔۔۔(10)۔۔۔۔۔

خدا کے عاشق تو ہیں ہزاروں،بنوں میں پھرتے ہیں مارے مارے

میں اس کا بندہ بنوں گا جس کو خدا کے بندوں سے پیار ہوگا

۔۔۔۔۔(11)۔۔۔۔۔

خدا نصیب کرے ہند کے اماموں کو

وہ سجدہ جس میں ہے ملت کی زندگی کا پیام!

۔۔۔۔۔(12)۔۔۔۔۔

خداوند یہ تیرے سادہ دل بندے کدھر جائیں

کی درویشی بھی عیاری ہے، سلطانی بھی عیاری

۔۔۔۔۔(13)۔۔۔۔۔

خدائے لم یزل کا دست قدرت تو زبان تو ہے

یقین پیدا کر اے غافل کی مغلوب گماں تو ہے

۔۔۔۔۔(14)۔۔۔۔۔

خرد نے کہہ بھی دیا لا اِلہ تو کیا حاصل

دل و نگاہ مسلماں نہیں تو کچھ بھی نہیں

۔۔۔۔۔(15)۔۔۔۔۔

خزینہ ہوں چھپایا مجھ کو مشت خاک صحرا نے

کسی کو کیا خبر میں کہاں ہوں کس کی دولت ہوں!

۔۔۔۔۔(16)۔۔۔۔۔

خصوصیت نہیں کچھ اس میں اے کلیم تری

شجر حجر بھی خدا سے کلام کرتے ہیں

۔۔۔۔۔(17)۔۔۔۔۔

خطر پسند طبیعت کو سازگار نہیں

وہ گلستان کہ جہاں گھات میں نہ ہو صیاد

۔۔۔۔۔(18)۔۔۔۔۔

خلق خدا کی گھات میں رند و فقیہ و میر و پیر

تیرے جہاں میں ہے وہی گردش صبح و شام ابھی

۔۔۔۔۔(19)۔۔۔۔۔

خموش اے دل! بھری محفل میں چلانا نہیں اچھا

ادب پہلا قرینہ ہے محبت کے قرینوں میں

۔۔۔۔۔(20)۔۔۔۔۔

خواب سے بیدار ہوتا ہے ذرا محکوم اگر

پھر سُلا دیتی ہے اُس کو حکمراں کی ساحری

۔۔۔۔۔(21)۔۔۔۔۔

خواجگی میں کوئی مشکل نہیں رہتی باقی

پختہ ہو جاتے ہیں جب خوئے غلامی میں غلام!

۔۔۔۔۔(22)۔۔۔۔۔

خوار جہاں میں کبھی ہو نہیں سکتی وہ قوم

عشق ہو جس کا جسور، فقر ہو جس کا غیور

۔۔۔۔۔(23)۔۔۔۔۔

خود بخود گرنے کو ہے پکے ہوئے پھل کی طرح

دیکھے پڑتا ہے آخر کس کی جھولی میں فرنگ!

۔۔۔۔۔(24)۔۔۔۔۔

خود بدلتے نہیں، قُرآں کو بدل دیتے ہیں

ہوئے کس درجہ فقیہانِ حرم بے توفیق!

۔۔۔۔۔(25)۔۔۔۔۔

خود تڑپتا تھا، چمن والوں کو تڑپاتا تھا میں

تجھ کو جب رنگیں نوا پاتا تھا، شرماتا تھا میں

۔۔۔۔۔(26)۔۔۔۔۔

خود کُشی شیوہ تمہارا، وہ غیور و خوددار

تم اخوت سے گریزاں، وہ اخوت پہ نثار

۔۔۔۔۔(27)۔۔۔۔۔

خود گیری و خودداری و گلبانگ انا الحق،

آزاد ہو سالک تو ہین یہ اس کے مقامات

۔۔۔۔۔(28)۔۔۔۔۔

خود آگاہی نے سکھلادی ہے جس کو تن فراموشی

حرام آئی ہے اُس مردِ مجاہد پر زِرہ پوشی

۔۔۔۔۔(29)۔۔۔۔۔

خودی جلوہ بدمست و خلوت پسند

سمندر ہے اک بوند پانی میں بند

۔۔۔۔۔(30)۔۔۔۔۔

خودی سے اس طلسم رنگ و بُو کو توڑ سکتے ہیں

یہی توحید تھی جس کو نہ تو سمجھا نہ میں سمجھا

۔۔۔۔۔(31)۔۔۔۔۔

خودی سے مرد خود آگاہ کا جمال و جلال

کہ یہ کتاب ہے، باقی تمام تفسیریں

۔۔۔۔۔(32)۔۔۔۔۔

خودی شیر مولا، جہاں اس کا صید

زمیں اس کی صید، آسماں اس کا صید

۔۔۔۔۔(33)۔۔۔۔۔

خودی  کا  سر  نہاں   لَا  اِلٰہَ  اِلَّا  اللہ

خودی   ہے  تیغ  فساں  لَا  اِلٰہَ  اِلَّا  اللہ

۔۔۔۔۔(34)۔۔۔۔۔

خودی کو ہر بلند اتنا کہ ہر تقدیر سے پہلے

خدا بندے سے خود پوچھے بتا تیری رضا کیا ہے

۔۔۔۔۔(34)۔۔۔۔۔

خودی کو نہ دے سِیم و زر کو عوض

نہیں شعلہ دیتے شرر کے عوض

۔۔۔۔۔(35)۔۔۔۔۔

خودی کی جلوتوں میں مصطفائی

خودی کی خلوتوں میں کبریائی

۔۔۔۔۔(36)۔۔۔۔۔

خودی کی موت سے ہندی شکستہ بالوں پر

قفس ہوا ہے حلال اور آشیانہ حرام!

۔۔۔۔۔(37)۔۔۔۔۔

خودی کیا ہے، راز درون حیات

خودی کیا ہے، بیداری کائنات

۔۔۔۔۔(38)۔۔۔۔۔

خودی کے زور سے دنیا پہ چھاجا

مقان رنگ و بو کا راز پا جا

۔۔۔۔۔(39)۔۔۔۔۔

خودی ک ساز میں ہے عمر جاوداں کا سراغ

خودی کے سوش سے روشن ہیں اُمتوں کے چراغ

۔۔۔۔۔(40)۔۔۔۔۔

خودی میں ڈوب جا غافل! یہ سر زندگانی ہے

نکل کر حلقۂ شام و سحر سے جاوداں ہو جا

۔۔۔۔۔(41)۔۔۔۔۔

خودی میں ڈوب، زمانے سے نا امید نہ ہو

کہ اس کا زخم ہے در پردہ اہتمام رفو

۔۔۔۔۔(42)۔۔۔۔۔

خودی میں ڈوبنے والوں کے عزم و ہمت نے

اس آبجو سے کیے بحر بے کراں پیدا

۔۔۔۔۔(43)۔۔۔۔۔

خودی میں ڈوبتے ہیں پھر اُبھر بھی آتے ہیں

مگر یہ حوصلۂ مرد، ہیچ کارہ نہیں

۔۔۔۔۔(44)۔۔۔۔۔

خودی میں گم ہے خدائی ، تلاش کر غافل!

یہی ہے تیرے لیے اب صلاح کار کی راہ

۔۔۔۔۔(45)۔۔۔۔۔

خودی ہو زندہ تو دریائے بے کراں پایاب

خودی ہو زندہ تو کہسار پرنیاں و حریر

۔۔۔۔۔(46)۔۔۔۔۔

خودی ہے زندہ تو دریا ہے بے کرانہ ترا

ترے فراق میں مضطر ہے موج نیل و فرات

۔۔۔۔۔(47)۔۔۔۔۔

خودی ہے زندہ تو ہے موت اک مقام حیات

کہ عشق موت سے کرتا ہے امتحان ثبات

۔۔۔۔۔(48)۔۔۔۔۔

خورشید جہاں تاب کی ضو تیرے شرر میں

آباد ہے اک تازہ جہاں تیرے ہنر میں

۔۔۔۔۔(49)۔۔۔۔۔

خوش آگئی ہے جہاں کو قلندری میری

وگرنہ شعرا مرا کیا ہے، شاعری کیا ہے!

۔۔۔۔۔(50)۔۔۔۔۔

خوش تو ہیں ہم بھی جوانوں کی ترقی سے مگر

لب خنداں سے نکل جاتی ہے فریاد بھی ساتھ

۔۔۔۔۔(51)۔۔۔۔۔

خوف کہتا ہے یثرب کی طرف تنہا نہ چل

شوق کہیتا ہے کی تو مسلم ہے، بے باکانہ چل

۔۔۔۔۔(52)۔۔۔۔۔

خیر، تو ساقی سہی لیکن پلائے گا کسے

اب نہ وہ مے کش رہے باقی نہ میخانے رہے

۔۔۔۔۔(53)۔۔۔۔۔

خرد دیکھے اگر دل کی نگہ سے

جہاں روشن ہے نور ’لا اِلہ‘ سے

۔۔۔۔۔(54)۔۔۔۔۔

خرد کو غلامی سے آزاد کر

جوانوں کو پیروں کا استاد کر

۔۔۔۔۔(55)۔۔۔۔۔

خرد مندوں سے کیا پوچھوں کہ میری ابتدا کیا ہے

کہ میں اس فکر میں رہتا ہوں، میری انتہا کیا ہے

۔۔۔۔۔(56)۔۔۔۔۔

خرد مندوں سے کیا پوچھوں کہ میری ابتدا کیا ہے

کہ میں اس فکر میں رہتا ہوں، میری انتہا کیا ہے

۔۔۔۔۔(57)۔۔۔۔۔

خرد نے مجھ کو عطا کی نظر حکیمانہ

سکھائی عشق نے مجھ کو حدیث زندانہ

۔۔۔۔۔(58)۔۔۔۔۔

خرد ہوئی ہے زمان و مکاں کی زناری

نہ ہے زماں نہ مکاں، لا الٰہ الاّ اللہ

۔۔۔۔۔(59)۔۔۔۔۔

خضر بھی بے دست وپا،الیاس بھی بےدست وپا

میرے طوفاں یم بہ یم، دریا بہ دریا، جوبہ جو

۔۔۔۔۔(60)۔۔۔۔۔

خضر کیونکر بتائے، کیا بتائے

اگر ماہی کہے دریا کہاں ہے

۔۔۔۔۔(61)۔۔۔۔۔

خیرہ نہ کرسکا مجھے جلوۂ دانش فرنگ

سرمہ ہے میری آنکھ میں خاک مدینہ و نجف

۔۔۔۔۔(62)۔۔۔۔۔

خون رگ معمار کی گرمی سے ہے تعمیر

میخانۂ حاؔفظ ہو کہ بتخانۂ بہزؔاد

---

آ -  ا -  ب -  پ -  ت -  ٹ -  ج -  چ -  ح -  خ -  د -  ڈ -  ذ -  ر -  ز -  س -  ش

ص -  ض -  ط -  ظ -  ع -  غ -  ف -  ق -  ک -  گ -  ل -  م -  ن -  و -  ہ -  ے

---