علامہ اقبال کے پ سے اشعار

علامہ محمد اقبال ؒکے ’’پ‘‘ سے اشعار

(کل تعداد : 22)

۔۔۔۔۔(1)۔۔۔۔۔

پانی پانی کر گئی مجھ کو قلندر کی یہ بات

تو جھکا غیر کے آگے ، نہ من تیرا نہ تن

۔۔۔۔۔(2)۔۔۔۔۔

پردۂ تہذیب میں غارت گری ، آدم کُشی

کل روا رکھی تھی تم نے، میں روا رکھتا ہوں آج!

۔۔۔۔۔(3)۔۔۔۔۔

پردہ اُٹھا دوں اگر چہرۂ افکار سے

لانہ سکے گا فرنگ میری نواؤں کی تاب

۔۔۔۔۔(4)۔۔۔۔۔

پردہ چہرے سے اٹھا، انجمن آرائی کر

چشم مہر و مہ و انجم کو تماشائی کر

۔۔۔۔۔(5)۔۔۔۔۔

پرندوں کی دُنیا کا درویش ہوں میں

کہ شاہیں بناتا نہیں آشیانہ

۔۔۔۔۔(6)۔۔۔۔۔

پرواز ہے دونوں کی اسی ایک فضا میں

کرگس کا جہاں اور ہے، شاہیں کا جہاں اور

۔۔۔۔۔(7)۔۔۔۔۔

پروانے کو چراغ ہے، بلبل کو پھول بس

صدیق کے لیے ہے خدا کا رسولؐ بس

۔۔۔۔۔(8)۔۔۔۔۔

پروانے کی منزل سے بہت دُور ہے جگنو

کیوں آتش بے سوز پہ مغرور ہے جگنو

۔۔۔۔۔(9)۔۔۔۔۔

پرے ہے چرخ نیلی فام سے منزل مسلماں کی

ستارے جس کی گردِ راہ ہوں، وہ کارواں تو ہے

۔۔۔۔۔(10)۔۔۔۔۔

پوجا بھی ہے بے سود، نمازیں بھی ہیں بے سود

قسمت ہے غریبوں کی وہی نالہ و فریاد

۔۔۔۔۔(11)۔۔۔۔۔

پوشیدہ ہے کافر کی نظر سے ملک الموت

لیکن نہیں پوشیدہ مسلماں کی نظر سے

۔۔۔۔۔(12)۔۔۔۔۔

پہلے خوددار تو مانند سکندر ہو لے

پھر جہاں میں ہوس شوکت دارائی کر

۔۔۔۔۔(13)۔۔۔۔۔

پھر بھی تیرے حسینوں کو ضرورت ہے حنا کی؟

باقی ہے ابھی رنگ مرے خون جگر میں !

۔۔۔۔۔(14)۔۔۔۔۔

پھر چراغ لالہ سے روشن ہوئے کوہ و دمن

مجھ کو پھر نغموں پہ اُکسانے لگا مُرغ چمن

۔۔۔۔۔(15)۔۔۔۔۔

پھر کہیں سے اس کو پیدا کر، بڑی دعلت ہے یہ

زندگی کیسی جو دل بیگانۂ  پہلو ہوا

۔۔۔۔۔(16)۔۔۔۔۔

پھر وادی فاراں کے ہر ذرّے کو چمکا دے

پھر شوق تماشا دے، پھر ذوق تقاضا دے

۔۔۔۔۔(17)۔۔۔۔۔

پھرا  فضاؤں میں کرگس اگرچہ شاہیں وار

شکار زندہ کی لذّت سے بے نصیب رہا

۔۔۔۔۔(18)۔۔۔۔۔

پھلا پھولا رہے یا رب! چمن میری اُمیدوں کا

جگر کا خون دے دے کر یہ بوٹے میں نے پالے ہیں

۔۔۔۔۔(19)۔۔۔۔۔

پختہ افکار کہاں ڈھونڈنے جائے کوئی

اس زمانے کی ہوا رکھتی ہے ہر چیز کو خام

۔۔۔۔۔(20)۔۔۔۔۔

پُرانے ہیں یہ  ستارے، فلک بھی فرسودہ

جہاں وہ چاہئے مجھ کو کی ہوا بھی نوخیز

۔۔۔۔۔(21)۔۔۔۔۔

پوچھ اُن سے جو چمن کے ہیں دیرینہ راز دار

کیونکر ہوئی خزاں ترے گلشن سے ہم نبرد

۔۔۔۔۔(22)۔۔۔۔۔

پھر میرے تجلی کدۂ دل میں سما جاؤ

چھوڑو چمنستان و بیان و در و بام

---

آ -  ا -  ب -  پ -  ت -  ٹ -  ج -  چ -  ح -  خ -  د -  ڈ -  ذ -  ر -  ز -  س -  ش

ص -  ض -  ط -  ظ -  ع -  غ -  ف -  ق -  ک -  گ -  ل -  م -  ن -  و -  ہ -  ے

---