علامہ اقبال کے ز سے اشعار

علامہ محمد اقبال ؒکے ’’ز‘‘ سے اشعار

(کل تعداد : 15)

۔۔۔۔۔(1)۔۔۔۔۔

زمام کار اگر مزدور کے ہاتھوں ہو پھر کیا!

طریق کوہکن میں بھی وہی حیلے ہیں پرویزی

۔۔۔۔۔(2)۔۔۔۔۔

زمانہ اب بھی نہیں جس کے سوز سے فارغ

میں جانتا ہوں وہ آتش ترے وجود میں ہے

۔۔۔۔۔(3)۔۔۔۔۔

زمانہ کہ زنجیر ایام ہے

دموں کے الٹ پھیر کا نام ہے

۔۔۔۔۔(4)۔۔۔۔۔

زمانہ آیا ہے بے حجابی کا، عام دیدارِ یار ہوگا

سکوت تھا پردہ دار جس کا،وہ راز اب آشکار ہوگا

۔۔۔۔۔(5)۔۔۔۔۔

زمانے پھر میں رسوا ہوں مگر اے وائے نادانی!

سمجھتا ہوں کہ میرا عشق میرے رازداں تک ہے

۔۔۔۔۔(6)۔۔۔۔۔

زمانے میں جھوٹا ہے اُس کا نگیں

جو اپنی خودی کو پرکھتا نہیں

۔۔۔۔۔(7)۔۔۔۔۔

زمین و آسمان و کُرسی و عرش

خودی کی زد میں ہے ساری خُدائی!

۔۔۔۔۔(8)۔۔۔۔۔

زمیں کیا،آسماں بھی تیری کج بینی پہ روتا ہے

غضب ہے سطرقرآں کوچلیپا کردیا تو نے!

۔۔۔۔۔(9)۔۔۔۔۔

زندگانی جس کو کہتے ہیں فراموشی ہے یہ

خواب ہے،غفلت ہے، سرمستی ہے،بے ہوشی ہے یہ

۔۔۔۔۔(10)۔۔۔۔۔

زندگانی ہے صدف،قطرۂ نیساں ہے خودی

وہ صدف کیا کہ جو قطرے کو گہر کر نہ سکے

۔۔۔۔۔(11)۔۔۔۔۔

زندگی انساں کی اک دم کے سوا کچھ بھی نہیں

دم ہوا کی موج ہے،رم کے سوا کچھ بھی نہیں

۔۔۔۔۔(12)۔۔۔۔۔

زندگی انساں کی مانند مرغ خوش نوا

شاخ پر بیٹھا،کوئی دم چہچہایا، اُڑ گیا

۔۔۔۔۔(13)۔۔۔۔۔

زندگی کی رہ میں چل،لیکن ذرا بچ بچ کے چل

یہ سمجھ لے کوئی مینا خانہ بار دوش ہے

۔۔۔۔۔(14)۔۔۔۔۔

زندگی کی رہ میں سرگرداں ہے تو، حیراں ہوں میں

تُو فروزاں محفل ہستی میں ہے، سوزاں ہوں میں

۔۔۔۔۔(15)۔۔۔۔۔

زندگی وہ کہ جو ہو نہ شناسائے اَجل

کیا وہ جینا ہے کہ ہو جس میں تقاضائے اَجل

---

آ -  ا -  ب -  پ -  ت -  ٹ -  ج -  چ -  ح -  خ -  د -  ڈ -  ذ -  ر -  ز -  س -  ش

ص -  ض -  ط -  ظ -  ع -  غ -  ف -  ق -  ک -  گ -  ل -  م -  ن -  و -  ہ -  ے

---