علامہ اقبال کے ش سے اشعار

علامہ محمد اقبال ؒکے ’’ ش‘‘ سے اشعار

(کل تعداد  : 54 )

۔۔۔۔۔(1)۔۔۔۔۔

شاخ بریدہ سے سبق اندوز ہو کہ تو

نا آشنا ہےقاعدۂ روزگار سے

۔۔۔۔۔(2)۔۔۔۔۔

شاخ گل پر چہک و لیکن

کر اپنی خودی میں آشیانہ!

۔۔۔۔۔(3)۔۔۔۔۔

شاعر بھی ہیں پیدا، علما بھی، حکما بھی

خالی نہیں قوموں کی غلامی کا زمانہ

۔۔۔۔۔(4)۔۔۔۔۔

شاعر کا دل ہے لیکن نا آشنا سکوں سے

آزاد رہ گیا تو، کیونکر مرے فسوں سے؟

۔۔۔۔۔(5)۔۔۔۔۔

شاعر کی نوا مردہ و افسردہ و بے ذوق

افکار میں سرمست نہ خوابیدہ نہ بیدار

۔۔۔۔۔(6)۔۔۔۔۔

شاعر کی نوا ہو کہ مغنی کا نفس ہو

جس سے چمن افسردہ ہو وہ باد سحر کیا

۔۔۔۔۔(7)۔۔۔۔۔

شاعر دل نواز بھی بات اگر کہے کھری

ہوتی ہے اُس کے فیض سے مزرع زندگی ہری

۔۔۔۔۔(8)۔۔۔۔۔

شام کی سرحد سے رُخصت ہے وہ رندِ لم یزل

رکھ کے میخانے کے سارے قاعدے بالائے طاق

۔۔۔۔۔(9)۔۔۔۔۔

شام غم لیکن خبر دیتی ہے صبح عید کی

ظُلمت شب میں نظر آئی کرن اُمّید کی

۔۔۔۔۔(10)۔۔۔۔۔

شانِ کرم پہ ہے مدار عشقِ گرہ کشاے کا

دَیر و حرم کی قید کیا! جس کو وہ بے نیاز دے

۔۔۔۔۔(11)۔۔۔۔۔

شان آنکھوں میں نہ جچتی تھی جہاں داروں کی

کلِمہ پڑھتے تھے ہم چھاؤں میں تلواروں کی

۔۔۔۔۔(12)۔۔۔۔۔

شانِ خلیل ہوتی ہے اُس کے کلام سے عیاں

کرتی ہے اُس کی قوم جب اپنا شعار آزری

۔۔۔۔۔(13)۔۔۔۔۔

شاہدِ قُدرت کا آئینہ ہو، دل میرا نہ ہو

سر میں جُز ہمدردیِ انساں کوئی سودا نہ ہو

۔۔۔۔۔(14)۔۔۔۔۔

شاہیں کبھی پرواز سے تھک کر نہیں گِرتا

پُر دَم ہے اگر تُو تو نہیں خطرۂ اُفتاد

۔۔۔۔۔(15)۔۔۔۔۔

شاہیں کی ادا ہوتی ہے بلبل میں نمودار

کس درجہ بدل جاتے ہیں مُرغانِ سحر خیز!

۔۔۔۔۔(16)۔۔۔۔۔

شاید تو سمجھتی تھی وطن دور ہے میرا
اے قاصدِ افلاک! نہیں، دور نہیں ہے

۔۔۔۔۔(17)۔۔۔۔۔

شاید کہ زمیں ہے یہ کسی اور جہاں کی
تُو جس کو سمجھتا ہے فلک اپنے جہاں کا!

۔۔۔۔۔(18)۔۔۔۔۔

شب سکُوت افزا، ہَوا آسودہ، دریا نرم سَیر

تھی نظر حیراں کہ یہ دریا ہے یا تصویرِ آب

۔۔۔۔۔(19)۔۔۔۔۔

شب گریزاں ہو گی آخر جلوۂ خورشید سے

یہ چمن معمور ہوگا نغمۂ توحید سے

۔۔۔۔۔(20)۔۔۔۔۔

شباب، آہ! کہاں تک اُمیدوار رہے

وہ عیش، عیش نہیں، جس کا انتظار رہے

۔۔۔۔۔(21)۔۔۔۔۔

شبنم افشانی مری پیدا کرے گی سوز و ساز

اس چمن کی ہر کلی درد آشنا ہو جائے گی

۔۔۔۔۔(22)۔۔۔۔۔

شبنم کی طرح پھولوں پہ رو، اور چمن سے چل

اس باغ میں قیام کا سودا بھی چھوڑ دے

۔۔۔۔۔(23)۔۔۔۔۔

شجرِ فطرتِ مسلم تھا حیا سے نم ناک

تھا شجاعت میں وہ اک ہستی فوق الادراک

۔۔۔۔۔(24)۔۔۔۔۔

شجر ہے فرقہ آرائی، تعصّب ہے ثمر اس کا

یہ وہ پھل ہے کہ جنّت سے نکلواتا ہے آدم کو

۔۔۔۔۔(25)۔۔۔۔۔

شرابِ رُوح پرور ہے محبت نوعِ انساں کی

سکھایا اس نے مجھ کو مست بے جام و سبو رہنا

۔۔۔۔۔(26)۔۔۔۔۔

شراب کہن پھر پلا ساقیا

وہی جام گردش میں لا ساقیا!

۔۔۔۔۔(27)۔۔۔۔۔

شرابِ بے خودی سے تا فلک پرواز ہے میری

شکستِ رنگ سے سیکھا ہے مَیں نے بن کے بُو رہنا

۔۔۔۔۔(28)۔۔۔۔۔

شرط انصاف ہے اے صاحب الطاف عمیم

بوئے گل پھیلتی کس طرح جو ہوتی نہ نسیم

۔۔۔۔۔(29)۔۔۔۔۔

شرع محبت میں ہے عشرت منزل حرام

شورش طوفاں حلال، لذت ساحل حرام

۔۔۔۔۔(30)۔۔۔۔۔

شرع ملوکانہ میں جدّت احکام دیکھ

صور کا غوغا حلال، حشر کی لذّت حرام!

۔۔۔۔۔(31)۔۔۔۔۔

شریعت کیوں گریباں گیر ہو ذوق تکلّم کی

چھپا جاتا ہوں اپنے دل کا مطلب استعارے میں

۔۔۔۔۔(32)۔۔۔۔۔

شعلۂ نمرود ہے روشن زمانے میں تو کیا

’’شمع خود رامی گذاز و درمیان انجمن‘‘

۔۔۔۔۔(33)۔۔۔۔۔

شعور و ہوش و خرد کا معاملہ ہے عجیب

مقام شوق میں ہیں سب دل ونظرکےرقیب

۔۔۔۔۔(34)۔۔۔۔۔

شفق نہیں مغربی اُفق پر یہ جُوئے خوں ہے، یہ جوئے خوں ہے!

طلوعِ فردا  کا  منتظر  رہ  کہ دوش و امروز  ہے  فسانہ

۔۔۔۔۔(35)۔۔۔۔۔

شکایت ہے مجھے یا رب! خداوندانِ مکتب سے

سبق شاہیں بچوں کو دے رہے ہیں خاکبازی کا

۔۔۔۔۔(36)۔۔۔۔۔

شکتی بھی، شانتی بھی بھگتوں کے گیت میں ہے
دھرتی کے باسیوں کی مکتی پریت میں ہے

۔۔۔۔۔(37)۔۔۔۔۔

شکست سے یہ کبھی آشنا نہیں ہوتا
نظر سے چھپتا ہے لیکن فنا نہیں ہوتا

۔۔۔۔۔(38)۔۔۔۔۔

شگفتہ ہو کے کلی دل کی پھول ہو جائے!
یہ التجائے مسافر قبول ہو جائے!

۔۔۔۔۔(39)۔۔۔۔۔

شمع اک شعلہ ہے لیکن تُو سراپا نور ہے
آہ! اس محفل میں یہ عُریاں ہے تُو مستور ہے

۔۔۔۔۔(40)۔۔۔۔۔

شمعِ حق سے جو منّور ہو یہ وہ محفل نہ تھی
بارشِ رحمت ہوئی لیکن زمیں قابل نہ تھی

۔۔۔۔۔(41)۔۔۔۔۔

شمع سحر یہ کہہ گئی سوز ہے زندگی کا ساز
غم کدۂ نمود میں شرطِ دوام اور ہے

۔۔۔۔۔(42)۔۔۔۔۔

شمع کی طرح  جییں  بزم گہِ عالم میں
خود جلیں، دیدۂ اغیار کو بینا کر دیں

۔۔۔۔۔(43)۔۔۔۔۔

شمعِ محفل ہو کے تُو جب سوز سے خالی رہا
تیرے پروانے بھی اس لذّت سے بیگانے رہے

۔۔۔۔۔(44)۔۔۔۔۔

شور ہے، ہو گئے دنیا سے مسلماں نابود
ہم یہ کہتے ہیں کہ تھے بھی کہیں مسلم موجود!

۔۔۔۔۔(45)۔۔۔۔۔

شورش سے بھاگتا ہوں، دل ڈھونڈتا ہے میرا
ایسا سکُوت جس پر تقریر بھی فدا ہو

۔۔۔۔۔(46)۔۔۔۔۔

شوق ترا اگر نہ ہو میری نماز کا امام
میرا قیام بھی حجاب، میرا سجود بھی حجاب

۔۔۔۔۔(47)۔۔۔۔۔

شوق مری لَے میں ہے، شوق مری نَے میں ہے
نغمۂ ’اللہ‌ھوٗ‘ میرے رَگ و پَے میں ہے

۔۔۔۔۔(48)۔۔۔۔۔

شہادت ہے مطلوب و مقصودِ مومن
نہ مالِ غنیمت نہ کشور کشائی

۔۔۔۔۔(49)۔۔۔۔۔

شہری ہو، دہاتی ہو، مسلمان ہے سادہ
مانند بتاں پجتے ہیں کعبے کے برہمن

۔۔۔۔۔(50)۔۔۔۔۔

شہیدِ محبّت نہ کافر نہ غازی
محبّت کی رسمیں نہ تُرکی نہ تازی

۔۔۔۔۔(51)۔۔۔۔۔

شیاطین ملوکیت کی آنکھوں میں ہے وہ جادو
کہ خود نخچیر کے دل میں ہو پیدا ذوق نخچیری

۔۔۔۔۔(52)۔۔۔۔۔

شیشے کی صراحی ہو کہ مٹّی کا سبُو ہو
شمشیر کی مانند ہو تیزی میں تری مَے

۔۔۔۔۔(53)۔۔۔۔۔

شیرازہ ہُوا ملّتِ مرحوم کا ابتر
اب تُو ہی بتا، تیرا مسلمان کِدھر جائے!

۔۔۔۔۔(54)۔۔۔۔۔

شعلے سے ٹوٹ کے مثل شرَر آوارہ نہ رہ
کر کسی سینۂ پُر سوز میں خلوَت کی تلاش!

---

آ -  ا -  ب -  پ -  ت -  ٹ -  ج -  چ -  ح -  خ -  د -  ڈ -  ذ -  ر -  ز -  س -  ش

ص -  ض -  ط -  ظ -  ع -  غ -  ف -  ق -  ک -  گ -  ل -  م -  ن -  و -  ہ -  ے

---