علامہ اقبال کے غ سے اشعار

علامہ محمد اقبال ؒکے ’’ غ ‘‘ سے اشعار

  (کل تعداد :15)

۔۔۔۔۔(1)۔۔۔۔۔

غافل نہ ہو خودی سے، کر اپنی پاسبانی

شاید کسی حرم کا تُو بھی ہے آستانہ

۔۔۔۔۔(2)۔۔۔۔۔

غبار راہ کو بخشا گیا ہے ذوقِ جمال

خِرد بتا نہیں سکتی کہ مُدّعا کیا ہے

۔۔۔۔۔(3)۔۔۔۔۔

غبارِ رہ گزر ہیں، کیمیا پر ناز تھا جن کو

جبینیں خاک پر رکھتے تھے جو، اِکسیر گر نکلے

۔۔۔۔۔(4)۔۔۔۔۔

غدّارِ وطن اس کو بتاتے ہیں برہمن

انگریز سمجھتا ہے مسلماں کو گداگر

۔۔۔۔۔(5)۔۔۔۔۔

غربت میں ہوں اگر ہم، رہتا ہے دل وطن میں

سمجھو وہیں ہمیں بھی، دل ہو جہاں ہمارا

۔۔۔۔۔(6)۔۔۔۔۔

غرض مَیں کیا کہُوں تجھ سے کہ وہ صحرا نشیں کیا تھے

جہاں‌گیر و جہاں‌دار و جہاں‌بان و جہاں‌آرا

۔۔۔۔۔(7)۔۔۔۔۔

غرض نشاط ہے شغلِ شراب سے جن کی

حلال چیز کو گویا حرام کرتے ہیں

۔۔۔۔۔(8)۔۔۔۔۔

غرورِ زُہد نے سِکھلا دیا ہے واعظ کو

کہ بندگانِ خدا پر زباں دراز کرے

۔۔۔۔۔(9)۔۔۔۔۔

غریبِ شہر ہوں مَیں، سُن تو لے مری فریاد

کہ تیرے سینے میں بھی ہوں قیامتیں آباد

۔۔۔۔۔(10)۔۔۔۔۔

غضب ہیں یہ ’مُرشدانِ خود بیں، خُدا تری قوم کو بچائے!

بگاڑ کر تیرے مسلموں کو یہ اپنی عزّت بنا رہے ہیں

۔۔۔۔۔(11)۔۔۔۔۔

غلامی میں نہ کام آتی ہیں شمشیریں نہ تدبیریں

جو ہو ذوقِ یقیں پیدا تو کٹ جاتی ہیں زنجیریں

۔۔۔۔۔(12)۔۔۔۔۔

غلَط نِگر ہے تری چشمِ نیم باز اب تک

ترا وجُود ترے واسطے ہے راز اب تک

۔۔۔۔۔(13)۔۔۔۔۔

غوّاص تو فطرت نے بنایا ہے مجھے بھی

لیکن مجھے اعماقِ سیاست سے ہے پرہیز

۔۔۔۔۔(14)۔۔۔۔۔

غیرت ہے بڑی چیز جہانِ تگ و دَو میں

پہناتی ہے درویش کو تاجِ سرِ دارا

۔۔۔۔۔(15)۔۔۔۔۔

غیرتِ فقر مگر کر نہ سکی اس کو قبول

جب کہا اُس نے یہ ہے میری خدائی کی زکات!

---

آ -  ا -  ب -  پ -  ت -  ٹ -  ج -  چ -  ح -  خ -  د -  ڈ -  ذ -  ر -  ز -  س -  ش

ص -  ض -  ط -  ظ -  ع -  غ -  ف -  ق -  ک -  گ -  ل -  م -  ن -  و -  ہ -  ے

---