علامہ اقبال کے ف سے اشعار

علامہ محمد اقبال ؒکے ’’ ف ‘‘ سے اشعار

  (کل تعداد  : 18)

۔۔۔۔۔(1)۔۔۔۔۔

فارغ تو نہ بیٹھے گا محشر میں جُنوں میرا

یا اپنا گریباں چاک یا دامن یزداں چاک!

۔۔۔۔۔(2)۔۔۔۔۔

فاش یوں کرتا ہے اک چینی حکیم اسرارِ فن

شعر گویا رُوحِ موسیقی ہے، رقص اس کا بدن!

۔۔۔۔۔(3)۔۔۔۔۔

فتویٰ ہے شیخ کا یہ زمانہ قلم کا ہے

دُنیا میں اب رہی نہیں تلوار کارگر

۔۔۔۔۔(4)۔۔۔۔۔

فدا کرتا رہا دل کو حسینوں کی اداؤں پر

مگر دیکھی نہ اس آئینے میں اپنی ادا تو نے

۔۔۔۔۔(5)۔۔۔۔۔

فرد قائم ربطِ مِلّت سے ہے، تنہا کچھ نہیں

موج ہے دریا میں اور بیرونِ دریا کچھ نہیں

۔۔۔۔۔(6)۔۔۔۔۔

فرشتہ موت کا چھوتا ہے گو بدن تیرا

ترے وجود کے مرکز سے دُور رہتا ہے!

۔۔۔۔۔(7)۔۔۔۔۔

فرشتے پڑھتے ہیں جس کو وہ نام ہے تیرا

بڑی جناب تری، فیض عام ہے تیرا

۔۔۔۔۔(8)۔۔۔۔۔

فرقہ بندی ہے کہیں اور کہیں ذاتیں ہیں

کیا زمانے میں نپنے کی یہی باتیں ہیں

۔۔۔۔۔(9)۔۔۔۔۔

فقر کے ہیں معجزات تاج و سریر و سپاہ

فقر ہے میروں کا مِیر، فقر ہے شاہوں کا شاہ

۔۔۔۔۔(10)۔۔۔۔۔

فقر مقامِ نظر، علم مقامِ خبر

فقر میں مستی ثواب، علم میں مستی گناہ

۔۔۔۔۔(11)۔۔۔۔۔

فقط نگاہ سے ہوتا ہے فیصلہ دل کا

نہ ہو نگاہ میں شوخی تو دلبری کیا ہے

۔۔۔۔۔(12)۔۔۔۔۔

فقیرِ راہ کو بخشے گئے اسرارِ سُلطانی

بہا میری نوا کی دولتِ پرویز ہے ساقی

۔۔۔۔۔(13)۔۔۔۔۔

فقیہ شہر بھی رُہبانیت پہ ہے مجبور

کہ معرکے ہیں شریعت کے جنگ دست بدست

۔۔۔۔۔(14)۔۔۔۔۔

فلَک نے اُن کو عطا کی ہے خواجگی کہ جنھیں

خبر نہیں روشِ بندہ پروری کیا ہے

۔۔۔۔۔(15)۔۔۔۔۔

فولاد کہاں رہتا ہے شمشیر کے لائق

پیدا ہو اگر اس کی طبیعت میں حریری

۔۔۔۔۔(16)۔۔۔۔۔

فیض یہ کس کی نظر کا ہے، کرامت کس کی ہے؟

وہ کہ ہے جس کی نگہ مثل شعاع آفتاب!

۔۔۔۔۔(17)۔۔۔۔۔

فِردوس میں رومیؔ سے یہ کہتا تھا سنائیؔ

مشرق میں ابھی تک ہے وہی کاسہ، وہی آش

۔۔۔۔۔(18)۔۔۔۔۔

فِطرت افراد سے اغماض بھی کر لیتی ہے

کبھی کرتی نہیں ملّت کے گُناہوں کو معاف

 

---

آ -  ا -  ب -  پ -  ت -  ٹ -  ج -  چ -  ح -  خ -  د -  ڈ -  ذ -  ر -  ز -  س -  ش

ص -  ض -  ط -  ظ -  ع -  غ -  ف -  ق -  ک -  گ -  ل -  م -  ن -  و -  ہ -  ے

---