علامہ اقبال کے ب سے اشعار

علامہ محمد اقبال ؒکے ’’ب‘‘ سے اشعار

(کل تعداد : 31)

۔۔۔۔۔(1)۔۔۔۔۔

باطل  سے  دبنے  والے  اے  آسماں  نہیں  ہم

سو بار  کر چکا  ہے تو امتحاں ہمارا

۔۔۔۔۔(2)۔۔۔۔۔

بتانِ  رنگ  و  خوں  کو   توڑ کر ملت میں گم ہوجا

نہ تورانی رہے باقی ، نہ ایرانی نہ افغانی

۔۔۔۔۔(3)۔۔۔۔۔

بٹھا  کے  عرش پہ رکھّا ہے تو نے اے واعظ!

خدا وہ کیا ہے جو بندوں سے احتراز کرے

۔۔۔۔۔(4)۔۔۔۔۔

بچھائی ہے جو کہیں عشق نے بساط اپنی

کیا ہے اس نے فقیروں کو وارثِ پرویز

۔۔۔۔۔(5)۔۔۔۔۔

بدل کے بھیس پھر آتے ہیں ہر زمانے میں

اگرچہ پیر ہے آدم ، جواں ہیں لات و منات

۔۔۔۔۔(6)۔۔۔۔۔

براہیمی نظر پیدا مگر مشکل سے ہوتی ہے

ہوس چھُپ چھُپ کے  سینوں میں بنا لیتی  ہے تصویریں

۔۔۔۔۔(7)۔۔۔۔۔

بڑھ کے خیبر سے ہے یہ معرکۂ  دین وطن

اس زمانے میں کوئی حیدرؓ کرّار بھی ہے؟

۔۔۔۔۔(8)۔۔۔۔۔

بڑی باریک ہیں واعظ کی چالیس

لرز جاتا ہے  آوازِ اذاں سے

۔۔۔۔۔(9)۔۔۔۔۔

بزم ہستی اپنی آرائش پہ تو نازاں نہ ہو

تو تو اک تصویر ہے محفل کی اور محفل  ہوں میں

۔۔۔۔۔(10)۔۔۔۔۔

بس رہے تھے یہیں  سلجوق بھی ، تورانی بھی

اہل چیں چِین میں ، ایران میں ساسانی بھی

۔۔۔۔۔(11)۔۔۔۔۔

بنائیں کیا سمجھ کر شاخ گُل پر آشیاں اپنا

چمن میں آہ! کیا رہنا جو ہو بے آبرو رہنا

۔۔۔۔۔(12)۔۔۔۔۔

بنایا ایک ہی اِبلیس آگ سے  تُو نے

بنائے  خاک سے اُس نے دوصد ہزار  ابلیس!

۔۔۔۔۔(13)۔۔۔۔۔

بنایا تھا جسے چُن چُن کے خاروخس میں  نے

چمن میں پھر نظر آئے وہ آشیاں مجھ کو

۔۔۔۔۔(14)۔۔۔۔۔

بندہ و صاحب و محتاج وغنی ایک ہوئے

تیری سرکار میں پہنچے تو سبھی ایک ہوئے

۔۔۔۔۔(15)۔۔۔۔۔

بنیاد لرز  جائے  جو دیوارِ چمن کی

ظاہرہے کہ انجام گُلستاں   کا    ہے   آغاز

۔۔۔۔۔(16)۔۔۔۔۔

بوئے    گل    لے    گئی    بیرونِ چمن رازِ چمن

کیا قیامت ہے کی خود پھول  ہیں  غمّازِ   چمن!

۔۔۔۔۔(17)۔۔۔۔۔

بہت  دیکھے  ہیں  میں نے مشرق ومغرب   کے میخانے

یہاں   ساقی نہیں  پیدا ، وہاں   بے زوق ہے صہبا

۔۔۔۔۔(18)۔۔۔۔۔

بہت مدّت  کے  نخچیروں   کا   اندازِ   نگہ بدلا

کہ  مَیں نے فاش کر ڈالا  طریقہ شاہبازی کا

۔۔۔۔۔(19)۔۔۔۔۔

بہترہے کہ بیچارے  ممولوں  کی نظر  سے

پوشیدہ رہیں باز   کے    احوال و    مقامات

۔۔۔۔۔(20)۔۔۔۔۔

بھٹکا  ہُوا راہی  میں ،   بھٹکا   ہُوا راہی تُو

منزل   ہے کہاں تیری اے   لالۂ   صحرائی!

۔۔۔۔۔(21)۔۔۔۔۔

بھروسا   کر نہیں   سکتے غلاموں  کی بصیرت پر

کہ  دنیا میں  فقط مردانِ   حُر   کی آنکھ ہے بینا

۔۔۔۔۔(22)۔۔۔۔۔

بھری   بزم میں   اپنے   عاشق   کو   تاڑا

تری آنکھ  مستی میں ہشیار کیا تھی!

۔۔۔۔۔(23)۔۔۔۔۔

بھری بزم  میں  راز   کی   بات   کہہ دی

بڑا   بے ادب  ہوں ، سزا   چاہتا   ہوں

۔۔۔۔۔(24)۔۔۔۔۔

بھلا  نبھے گی تری  ہم   سے   کیونکر  اے واعظ!

کہ   ہم تو   رسِم محبت  کو عام   کرتے   ہیں

۔۔۔۔۔(25)۔۔۔۔۔

بیچارہ  پیادہ تو ہے اک   مہرۂ    نا چیز

فرزیں   سے بھی   پوشیدہ  ہے   شاطر  کا   ارادہ!

۔۔۔۔۔(26)۔۔۔۔۔

بے   خطر  کود پڑا   آتش   نمرود   میں  عشق

عقل   ہے  محو تماشائے   لب  بام  ابھی

۔۔۔۔۔(27)۔۔۔۔۔

بے   لوث محبت ہو ، بے  باک صداقت  ہو

سینوں  میں   اُجالا  کر ، دل   صورتِ مینا دے

۔۔۔۔۔(28)۔۔۔۔۔

بے  معجزہ دُنیا میں  اُبھرتی   نہیں قومیں

جو  ضربِ کلیمی نہیں  رکھتا   وہ   ہنر   کیا!

۔۔۔۔۔(29)۔۔۔۔۔

بتوں   سے تجھ   کو   اُمیدیں  ، خدا سے  نو اُمیدی

مجھے بتا تو   سہی   اور   کافری    کیا    ہے!

۔۔۔۔۔(30)۔۔۔۔۔

بجھی   عشق کی   آگ  ، اندھیر   ہے

مسلماں   نہیں    راکھ    کا    ڈھیر    ہے

۔۔۔۔۔(31)۔۔۔۔۔

بُلبل   دلّی نے   باندھا   اس   چمن   میں   آشیاں

ہم   نوا   ہیں   سب   عنادل   باغ    ہستی کے جہاں

---

آ -  ا -  ب -  پ -  ت -  ٹ -  ج -  چ -  ح -  خ -  د -  ڈ -  ذ -  ر -  ز -  س -  ش

ص -  ض -  ط -  ظ -  ع -  غ -  ف -  ق -  ک -  گ -  ل -  م -  ن -  و -  ہ -  ے

---