علامہ اقبال کے ا سے اشعار

علامہ اقبال کے ’’ ا ‘‘  سے اشعار

(کل تعداد : 83)

۔۔۔۔۔(1)۔۔۔۔۔

ایک ہوں مسلم حرم کی پاسبانی کےلیے

نیل کےساحل سےلےکرتا بخاکِ کاشغر

۔۔۔۔۔(2)۔۔۔۔۔

اپنےمن میں ڈوب کر پاجاسراغِ زندگی

تُو اگر میرا نہیں بنتا نہ بن،اپنا تو بن

۔۔۔۔۔(3)۔۔۔۔۔

اپنی ملت پر قیاسِ اقوام مغرب سے نہ کر

خاص ہے ترکیب میں قوم رسول ہاشمی

۔۔۔۔۔(4)۔۔۔۔۔

اپنی دُنیا آپ پیدا کراگرزندوں میں ہے

سِرّ آدم ہے، ضمیر کن فکاں ہے زندگی

۔۔۔۔۔(5)۔۔۔۔۔

اب تاثر کے جہاں میں وہ پریشانی نہیں

اہل   گُلشن پر گراں میری غزل خوانی نہیں

۔۔۔۔۔(6)۔۔۔۔۔

اب تک ہے  رواں گرچہ  لہو رتیری  رگوں میں

نے گرمی افکار، نہ اندیشۂ  بے با  ک

۔۔۔۔۔(7)۔۔۔۔۔

اب تلک یاد ہے قوموں کی حکایت اُن کو

نقش  ہے صفحۂ  ہستی  پہ صداقت اُن کی

۔۔۔۔۔(8)۔۔۔۔۔

اب صبا سےکون پوچھے گا سکوت گل کا راز

کون سمجھے گا چمن میں نالہ بلبل کا راز

۔۔۔۔۔(9)۔۔۔۔۔

اب کوئی آواز سوتوں کو جگا سکتی نہیں

سینۂ ویراں میں جان رفتہ آسکتی نہیں

۔۔۔۔۔(10)۔۔۔۔۔

اب کہاں میرے نفس میں وہ حرارت، وہ گداز

بے تب و تاب دروں میری صلوٰۃ اور درُود

۔۔۔۔۔(11)۔۔۔۔۔

اب کیاں وہ شوق رہ پیمائی صحرائے علم

تیرے دم سے تھا ہمارے سر میں بھی سودائے علم

۔۔۔۔۔(12)۔۔۔۔۔

اب کیا جوفغاں میری پہنچی ہے ستاروں تک

تونے ہی سکھائی تھی مجھ کو یہ غزل خوانی

۔۔۔۔۔(13)۔۔۔۔۔

اب نواپیرا ہے کیا، گلشن ہوا برہم ترا

بے محل تیرا ترنم، نغمہ بے موسم ترا

۔۔۔۔۔(14)۔۔۔۔۔

اب وہ الطاف نہیں، ہم پہ عنایات نہیں

بات یہ کیا ہے کہ پہلی سی مدارات نہیں

۔۔۔۔۔(15)۔۔۔۔۔

ابر رحمت تھا کی تھی عشق کی بجلی یا رب!

جل گئی مزرع ہستی اُگا دانہ ٔ دل

۔۔۔۔۔(16)۔۔۔۔۔

ابھی تک آدمی صید زبون شہریاری ہے

قیامت ہےکہ انساں نوع انساں کاشکاری ہے

۔۔۔۔۔(17)۔۔۔۔۔

ابھی آرام سے لیٹے رہو میں پھر آؤں گی

سلا دوں گی جہاں کو خواب سے تم کو جگاؤں گی

۔۔۔۔۔(18)۔۔۔۔۔

اپنی اصلیت پہ قائم تھا تو جمعّیت بھی تھی

چھوڑ کر گل کو پریشاں کارواں بُو ہوا

۔۔۔۔۔(19)۔۔۔۔۔

اپنی غفلت کی یہی حالت اگر قائم رہی

آئیں گے غسّال کابل سے، کفن جاپان سے

۔۔۔۔۔(20)۔۔۔۔۔

اپنے پروانوں کو پھر ذوق خودافروزی دے

برق دیرینہ کو فرمانِ جگر سوزی دے

۔۔۔۔۔(21)۔۔۔۔۔

اپنےرزاق کو نہ پہنچانے تو محتاج ملوک

اورپہچانے تو ہیں تیرے گدا داراوجم

۔۔۔۔۔(22)۔۔۔۔۔

اپنےوطن میں ہوں کہ غریب الدیار ہوں

ڈرتا ہوں دیکھ کے اس دشت ودرکومیں

۔۔۔۔۔(23)۔۔۔۔۔

اچھا ہے دل کے ساتھ رہے پاسبان عقل

لیکن کبھی کبھی اسے تنہا بھی چھوڑ دے

۔۔۔۔۔(24)۔۔۔۔۔

احوال ومقامات پہ موقوف ہے سب کچھ

ہرلحظہ ہے سالک کا زماں اور مکاں اور

۔۔۔۔۔(25)۔۔۔۔۔

اس دور کی ظلمت میں ہر قلب پریشان کو

وہ داغ محبت دےجوچاندکوشرمادے

۔۔۔۔۔(26)۔۔۔۔۔

اس دور میں تعلیم ہے امراض مِلّت کی دوا

ہے خونِ فاسد کے لیے تعلیم مثل نیشتر

۔۔۔۔۔(27)۔۔۔۔۔

اس دور میں سب مٹ جائیں گے،ہاں!باقی وہ رہ جائےگا

جوقائم اپنی راہ پہ ہے اور پکّا اپنی ہٹ کا ہے

۔۔۔۔۔(28)۔۔۔۔۔

اس ذّرے کو رہتی ہے وسعت کی ہوس ہردم

یہ ذرّہ نہیں،شایدسِمٹاہُواصحرا ہے

۔۔۔۔۔(29)۔۔۔۔۔

اس سرابِ رنگ و بوکوگُلستان سمجھا ہےتُو

آہ اے ناداں! قفَس کو آشیاں سمجھا ہے تُو

۔۔۔۔۔(30)۔۔۔۔۔

اس قدرشوخ کہ اللہ سے بھی  برہم ہے

تھا جو مسجودِملائک، یہ وہی آدم ہے!

۔۔۔۔۔(31)۔۔۔۔۔

اس  قید کا الٰہی!دُکھڑاکسےسناؤں

ڈرہےیہیں قفس میں مَیں غم  سے مر نہ جاؤں

۔۔۔۔۔(32)۔۔۔۔۔

اس کو اپنا ہے جنوں اور مجھے سودا اپنا

دل کسی اور کا دیوانہ،میں دیوانۂ دل

۔۔۔۔۔(33)۔۔۔۔۔

اس کھیل میں تعیین مراتب ہے ضروری

شاطرکی عنایت سے تو فرزیں،میں پیادہ

۔۔۔۔۔(34)۔۔۔۔۔

اسی اقبؔال  کی میں جستجو کرتا رہا برسوں

بڑی مُدّت کے بعدآخروہ شاہیں زیرِ دام آیا

۔۔۔۔۔(35)۔۔۔۔۔

اسی روزوشب میں اُلجھ کر نہ رہ جا

کہ تیرے زمان و مکاں اوربھی ہیں

۔۔۔۔۔(36)۔۔۔۔۔

اسی کشمکش میں گزریں مری زندگی کی راتیں

کبھی سوزو سازرومیؔ کبھی پیچ وتاب رازی

۔۔۔۔۔(37)۔۔۔۔۔

اسی میں حفاظت ہے انسانیت کی

کہ ہوں ایک جُنّیدی و اردشیری

۔۔۔۔۔(38)۔۔۔۔۔

افرادکے ہاتھوں میں ہے اقوام کی تقدیر

ہر فرد ہے ملت کے مقدر کا ستارا

۔۔۔۔۔(39)۔۔۔۔۔

افسوس،صد افسوس کی شاہیں نہ بنا تو

دیکھے نہ تیری آنکھ نے فطرت کے اشارات

۔۔۔۔۔(40)۔۔۔۔۔

افکار جوانوں کے خفی ہوں کہ جلی ہوں

پوشیدہ نہیں مردِ قلندر کی نظر سے

۔۔۔۔۔(41)۔۔۔۔۔

افلاک سے آتا ہے نالوں کا جواب آخر

کرتے ہیں خطاب آخر،اُٹھتےہیں حجاب آخر

۔۔۔۔۔(42)۔۔۔۔۔

اقبؔال بھی،اقبال سے  آگاہ نہیں ہے

کچھ اس میں تمسخر نہیں واللہ نہیں ہے

۔۔۔۔۔(43)۔۔۔۔۔

اقبؔال!یہاں نام نہ لے علم خودی کا

موزُوں نہیں مکتب کے لیے ایسے مقالات

۔۔۔۔۔(44)۔۔۔۔۔

اگر جہاں میں مرا جوہر آشکار ہوا

قلندری سے ہوا ہے،تونگری سے نہیں

۔۔۔۔۔(45)۔۔۔۔۔

اگرچہ پاک ہے طینیت میں راہبی اُس کی

ترس رہی ہے مگر لذّتِ گُنہ کے لیے

۔۔۔۔۔(46)۔۔۔۔۔

اگر کچھ آشنا ہوتا مذاق جہبہ سائی سے

تو سنگ آستان کعبہ جا ملتا جبینوں سے

۔۔۔۔۔(47)۔۔۔۔۔

اگر کوئی شعیب آئے مَیسّر

شبانی سے کلیمی دو قدم ہے

۔۔۔۔۔(48)۔۔۔۔۔

اگرچہ بُت ہیں جماعت کی آستینوں میں

مجھے ہے حکِم اذاں   ،    لا    الٰہ    الّا    اللہ

۔۔۔۔۔(49)۔۔۔۔۔

الفاظ ومعانی میں تفاوت نہیں لیکن

مُلا کی اذاں اور، مجاہد کی اذاں اور

۔۔۔۔۔(50)۔۔۔۔۔

الٰہی سحر ہے پیران  خرقہ پوش میں کیا!

کہ اک نظر سے جوانوں کو رام کرتے  ہیں

۔۔۔۔۔(51)۔۔۔۔۔

ان تازہ خداؤں میں بڑا سب سے وطن ہے

جو پیرہن اس کا ہے،وہ مذہب کا کفن ہے

۔۔۔۔۔(52)۔۔۔۔۔

ان میں کاہل بھی ہیں، غافل بھی ہیں، ہشیاربھی ہیں

سیکڑوں ہیں کہ ترے نام  سے بیزاربھی ہیں

۔۔۔۔۔(53)۔۔۔۔۔

انجمن حُسن کی ہے تو، تری تصویرہوں میں

عشق کا تُو ہے صحیفہ، تری تفسیر ہوں میں

۔۔۔۔۔(54)۔۔۔۔۔

انجمن ہے ایک میری بھی جہاں رہتا ہوں میں

بزم  میں اپنی اگر یکتا ہے تُو، تنہا ہوں  مَیں

۔۔۔۔۔(55)۔۔۔۔۔

اندازِ بیاں گرچہ بہت شوخ  نہیں ہے

شاید کہ اُتر جائے ترے دل میں مری بات

۔۔۔۔۔(56)۔۔۔۔۔

اندازِ گفتگو نے دھوکے دیے ہیں ورنہ

نغمہ ہے بُوئے بُلبل،بُو پُھول کی چہک ہے

۔۔۔۔۔(57)۔۔۔۔۔

انوکھی وضع ہے،سارے زمانے سے نرالے ہیں

یہ عاشق کون سی بستی کےیارب رہنے والے ہیں

۔۔۔۔۔(58)۔۔۔۔۔

ایک بھی پتّی اگر کم ہو تو وہ گل ہی نہیں

جوخزاں نادیدہ ہو بُلبل،وہ بُلبل ہی نہیں

۔۔۔۔۔(59)۔۔۔۔۔

ایک بُلبل ہے کی ہے محوِ ترنم اب تک

اس کے سینہ میں ہے نغموں کا تلاطم اب تک

۔۔۔۔۔(60)۔۔۔۔۔

ایک پتھر کے جو ٹکرے کا   نصیبا جاگا

خاتِم دستِ سلیماں کا نگیں بن کے رہا

۔۔۔۔۔(61)۔۔۔۔۔

ایک ہی بَن میں ہے  مدّت سے بسیرا اپنا

گرچہ کچھ پاس نہیں،چارا بھی کھاتےہیں اُدھار

۔۔۔۔۔(62)۔۔۔۔۔

ایک ہی صف میں کھڑے ہوگئے محمودوایاز

نہ کوئی بندہ رہا اور نہ کوئی بندہ نواز

۔۔۔۔۔(63)۔۔۔۔۔

اےارضِ پاک!تیری حرمت پہ کٹ مرے ہم

ہے خوں تری رگوں میں اب تک رواں ہمارا

۔۔۔۔۔(64)۔۔۔۔۔

اے بادِ صبا! کملی والےؐ سے جا کہیوپیغام مرا

قبضے سے اُمّت بیچاری کے دیں بھی گیا، دنیابھی گئی

۔۔۔۔۔(65)۔۔۔۔۔

اب جوئے آب بڑھ کے ہو دریائےتندوتیز

ساحل تجھے عطا ہو تو ساحل نہ کرقبول

۔۔۔۔۔(66)۔۔۔۔۔

اے رہروِفرزانہ!رست میں اگر تیرے

گُلشن ہے توشبنم ہو،صحرا ہے توطوفاں ہو

۔۔۔۔۔(67)۔۔۔۔۔

اے طائرِ لاہُوتی! اس رزق سے موت اچھی

جس رزق سے آتی ہو پرواز میں کوتاہی

۔۔۔۔۔(68)۔۔۔۔۔

اے  لا اِلہ  کے وارث! باقی نہیں ہے تجھ میں

گُفتار دلبرانہ ، کردارِ قاہرانہ

۔۔۔۔۔(69)۔۔۔۔۔

اے مردِ خدا! تجھ کو وہ قوّت نہیں حاصل

جا بیٹھ کسی غار میں اللہ کو کریاد

۔۔۔۔۔(70)۔۔۔۔۔

اےمسلماں! اپنے دل سے پُوچھ،مُلّا  سےنہ پوچھ

ہو  گیا اللہ کے  بندوں سے کیوں  خالی حرم

۔۔۔۔۔(71)۔۔۔۔۔

اے موجِ دجلہ! تو بھی پہچانتی ہے ہم کو

اب تک ہے تیرا دریا افسانہ خواں ہمارا

۔۔۔۔۔(72)۔۔۔۔۔

اُٹھ کہ بزم جہاں کا اور ہی انداز  ہے

مشرق و مغرب میں تیرے دور کا آغاز ہے

۔۔۔۔۔(73)۔۔۔۔۔

اُٹھ گئے ساقی جو تھے مے خانہ خالی ہوگیا

یادگارِ بزم  دہلی ایک حاؔلی رہ گیا

۔۔۔۔۔(74)۔۔۔۔۔

اُٹھا ساقیا پردہ اس  راز سے

لڑا دے ممولے کو شہباز سے

۔۔۔۔۔(75)۔۔۔۔۔

اُٹھائے کچھ ورق لالے نے ، کچھ نرگس نے،کچھ گُل نے

چمن میں ہرطرف بکھری ہوئی ہے داستان میری

۔۔۔۔۔(76)۔۔۔۔۔

اُٹھو! مری دُنیا کے غریبوں کو جگا دو

کاخ اُمَرا کے در و دیوار ہلادو

۔۔۔۔۔(77)۔۔۔۔۔

اُٹھیں گے آزر ہزاروں شعر کے بُت خانے سے

مے پلائیں گے نئے  ساقی نئے پیمانے سے

۔۔۔۔۔(78)۔۔۔۔۔

اُڑا لی قمریوں نے، طوطیوں نے ، عندلیوں نے

چمن والوں نے مل کے لوٹی ہے طرزِ فغان میری

۔۔۔۔۔(79)۔۔۔۔۔

اُس قوم کو شمشیر کی حاجت نہیں رہتی

ہو جس  کے  جوانوں کی خودی صورتِ فولاد

۔۔۔۔۔(80)۔۔۔۔۔

اُس قوم  میں ہے شوخی اندیشہ خطرناک

جس قوم کے افراد ہوں ہر بندے سے آزاد

۔۔۔۔۔(81)۔۔۔۔۔

اُس کی نفرت میں عمیق،  اُس کی محبت بھی عمیق

قہر بھی اُس  کا ہے اللہ کے بندوں پہ شفیق

۔۔۔۔۔(82)۔۔۔۔۔

اُمید حور نے سب کچھ سکھا رکھا ہے واعظ کو

یہ حضرت دیکھنے میں سیدھے سادے بھولے بھالے ہیں

۔۔۔۔۔(83)۔۔۔۔۔

اُونچی جس کی لہر نہیں ہے ، وہ کیسا دریا

جس کی ہوائیں تُند نہیں ہیں ، وہ کیسا طوفان

---

آ -  ا -  ب -  پ -  ت -  ٹ -  ج -  چ -  ح -  خ -  د -  ڈ -  ذ -  ر -  ز -  س -  ش

ص -  ض -  ط -  ظ -  ع -  غ -  ف -  ق -  ک -  گ -  ل -  م -  ن -  و -  ہ -  ے

---