علامہ اقبال کے گ سے اشعار

علامہ محمد اقبال ؒکے ’’ گ ‘‘ سے اشعار

(  کل تعداد  : 34)

۔۔۔۔۔(1)۔۔۔۔۔

گانا اسے سمجھ کر خوش ہوں نہ سُننے والے

دُکھّے ہوئے دلوں کی فریاد یہ صدا ہے

۔۔۔۔۔(2)۔۔۔۔۔

گانا جو ہے شب کو تو سحر کو ہے تلاوت

اس رمز کے اب تک نہ کھُلے ہم پہ معانی

۔۔۔۔۔(3)۔۔۔۔۔

گاہ بحیلہ می برد، گاہ بزور می کشد

عشق کی ابتدا عجب، عشق کی انتہا عجب

۔۔۔۔۔(4)۔۔۔۔۔

گدائی میں بھی وہ اللہ والے تھے غیور اتنے

کہ مُنعم کو گدا کے ڈر سے بخشش کا نہ تھا یارا

۔۔۔۔۔(5)۔۔۔۔۔

گرچہ مکتب کا جواں زندہ نظر آتا ہے

مرُدہ ہے، مانگ کے لایا ہے فرنگی سے نفَس

۔۔۔۔۔(6)۔۔۔۔۔

گرچہ اس دَیرِ کہن کا ہے یہ دستورِ قدیم

کہ نہیں مے کدہ و ساقی و مینا کو ثبات

۔۔۔۔۔(7)۔۔۔۔۔

گرچہ اسکندر رہا محروم آبِ زندگی

فطرتِ اسکندری اب تک ہے گرم ناؤنوش

۔۔۔۔۔(8)۔۔۔۔۔

گرم ہو جاتا ہے جب محکوم قوموں کا لہُو

تھرتھراتا ہے جہانِ چار سوُے و رنگ و بو

۔۔۔۔۔(9)۔۔۔۔۔

گزر اوقات کر لیتا ہے یہ کوہ و بیاباں میں

کہ شاہیں کے لیے ذلّت ہے کارِ آشیاں‌بندی

۔۔۔۔۔(10)۔۔۔۔۔

گزر جا بن کے سیلِ تُند رَو کوہ و بیاباں سے

گلستاں راہ میں آئے تو جُوئے نغمہ خواں ہو جا

۔۔۔۔۔(11)۔۔۔۔۔

گزر جا عقل سے آگے کہ یہ نُور

چراغِ راہ ہے، منزل نہیں ہے

۔۔۔۔۔(12)۔۔۔۔۔

گزر گیا اب وہ دور ساقی کہ چھپ کے پیتے تھے پینے والے

بنے گا سارا جہان مے‌خانہ ، ہر کوئی بادہ خوار ہو گا

۔۔۔۔۔(13)۔۔۔۔۔

گلا تو گھونٹ دیا اہل مدرسہ نے ترا

کہاں سے آئے صدا ’لاَ اِلٰہَ اِلاَّ اللہ‘

۔۔۔۔۔(14)۔۔۔۔۔

گلزار ہست و بود نہ بیگانہ وار دیکھ

ہے دیکھنے کی چیز اسے بار بار دیکھ

۔۔۔۔۔(15)۔۔۔۔۔

گمان آبادِ ہستی میں یقیں مرد مسلماں کا

بیاباں کی شبِ تاریک میں قندیل رہبانی

۔۔۔۔۔(16)۔۔۔۔۔

گنوا دی ہم نے جو اسلاف سے میراث پائی تھی

ثریا سے زمیں پر آسماں نے ہم کو دے مارا

۔۔۔۔۔(17)۔۔۔۔۔

گو اس کی خُدائی میں مہاجن کا بھی ہے ہاتھ

دنیا تو سمجھتی ہے فرنگی کو خداوند

۔۔۔۔۔(18)۔۔۔۔۔

گو بڑی لذّت تری ہنگامہ آرائی میں ہے

اجنبیت سی مگر تیری شناسائی میں ہے

۔۔۔۔۔(19)۔۔۔۔۔

گو سراپا کیف عشرت ہے شراب زندگی

اشک بھی رکھتا ہے دامن میں سحاب زندگی

۔۔۔۔۔(20)۔۔۔۔۔

گو سکُوں ممکن نہیں عالم میں اختر کے لیے

فاتحہ خوانی کو یہ ٹھہرا ہے دم بھر کے لیے

۔۔۔۔۔(21)۔۔۔۔۔

گو سلامت محمل شامی کی ہمراہی میں ہے

عشق کی لذّت مگر خطروں کی جاں کاہی میں ہے

۔۔۔۔۔(22)۔۔۔۔۔

گو فکر خدا داد سے روشن ہے زمانہ

آزادی افکار ہے ابلیس کی ایجاد

۔۔۔۔۔(23)۔۔۔۔۔

گوہر کو مشتِ خاک میں رہنا پسند ہے

بندش اگرچہ سُست ہے، مضموں بلند ہے

۔۔۔۔۔(24)۔۔۔۔۔

گئے دن کہ تنہا تھا میں انجمن میں

یہاں اب مِرے رازداں اور بھی ہیں

۔۔۔۔۔(25)۔۔۔۔۔

گئے وہ ایام، اب زمانہ نہیں ہے صحرانوَردیوں کا

جہاں میں مانندِ شمع سوزاں میان محفل گداز ہو جا

۔۔۔۔۔(26)۔۔۔۔۔

گھر میں پرویز کے شیریں تو ہوئی جلوہ نُما

لے کے آئی ہے مگر تیشۂ  فرہاد بھی ساتھ

۔۔۔۔۔(27)۔۔۔۔۔

گیا ہے تقلید کا زمانہ، مجاز رختِ سفر اُٹھائے

ہوئی حقیقت ہی جب نمایاں تو کس کو یارا ہے گفتگو کا

۔۔۔۔۔(28)۔۔۔۔۔

گیسوئے تاب‌دار کو اور بھی تاب‌دار کر

ہوش و خرد شکار کر، قلب و نظر شکار کر

۔۔۔۔۔(29)۔۔۔۔۔

گلہ ہے مجھ کو زمانے کی کور ذوقی سے

سمجھتا ہے مری محنت کو محنت فرہاد

۔۔۔۔۔(30)۔۔۔۔۔

گُسَستہ تار ہے تیری خودی کا ساز اب تک

کہ تُو ہے نغمۂ  رومیؔ سے بے نیاز اب تک!

۔۔۔۔۔(31)۔۔۔۔۔

گفتار کے اسلوب پہ قابُو نہیں رہتا

جب رُوح کے اندر متلاطم ہوں خیالات

۔۔۔۔۔(32)۔۔۔۔۔

گُفتارِ سیاست میں وطن اور ہی کچھ ہے

ارشادِ نبوّت میں وطن اور ہی کچھ ہے

۔۔۔۔۔(33)۔۔۔۔۔

گُل بہ دامن ہے مری شب کے لہو سے میری صبح

ہے ترے امروز سے ناآشنا فردا ترا

۔۔۔۔۔(34)۔۔۔۔۔

گلشن دہر میں اگر جوئے مئے سخن نہ ہو

پھُول نہ ہو، کلی نہ ہو، سبزہ نہ ہو، چمن نہ ہو

 

---

آ -  ا -  ب -  پ -  ت -  ٹ -  ج -  چ -  ح -  خ -  د -  ڈ -  ذ -  ر -  ز -  س -  ش

ص -  ض -  ط -  ظ -  ع -  غ -  ف -  ق -  ک -  گ -  ل -  م -  ن -  و -  ہ -  ے

---