علامہ اقبال کے ل سے اشعار

علامہ محمد اقبال ؒکے ’’  ل ‘‘ سے اشعار

(  کل تعداد  : 20)

۔۔۔۔۔(1)۔۔۔۔۔

لا پھر اک بار وہی بادہ و جام اے ساقی

ہاتھ آ جائے مجھے میرا مقام اے ساقی!

۔۔۔۔۔(2)۔۔۔۔۔

لا دینی و لاطینی، کس پیچ میں اُلجھا تُو

داَرو ہے ضعیفوں کا ’لَاغَالِبَ اِلّاَ ھُوْ‘

۔۔۔۔۔(3)۔۔۔۔۔

لا دیں ہو تو ہے زہرِ ہلاہل سے بھی بڑھ کر

ہو دِیں کی حفاظت میں تو ہر زہر کا تِریاک

۔۔۔۔۔(4)۔۔۔۔۔

لاؤں وہ تنکے کہیں سے آشیانے کے لیے

بجلیاں بے تاب ہوں جن کو جَلانے کے لیے

۔۔۔۔۔(5)۔۔۔۔۔

لب پہ آتی ہے دُعا بن کے تمنّا میری

زندگی شمع کی صورت ہو خدایا میری

۔۔۔۔۔(6)۔۔۔۔۔

لبریز ہے شرابِ حقیقت سے جامِ ہند

سب فلسفی ہیں خطّۂ مغرب کے رامِ ہند

۔۔۔۔۔(7)۔۔۔۔۔

لُطفِ کلام کیا جو نہ ہو دل میں دردِ عشق

بسمل نہیں ہے تُو تو تڑپنا بھی چھوڑ دے

۔۔۔۔۔(8)۔۔۔۔۔

لفظِ ’اسلام، سے یورپ کو اگر کد ہے تو خیر

دوسرا نام اسی دِین کا ہے ’فقرِ غیور‘!

۔۔۔۔۔(9)۔۔۔۔۔

لکھّی جائیں گی کتابِ دل کی تفسیریں بہت

ہوں گی اے خواب جوانی! تیری تعبیریں بہت

۔۔۔۔۔(10)۔۔۔۔۔

لگتی ہے چوٹ دل پر، آتا ہے یاد جس دم

شبنم کے آنسوؤں پر کلیوں کا مسکرانا

۔۔۔۔۔(11)۔۔۔۔۔

لگی نہ میری طبیعت ریاضِ جنّت میں

پیا شعُور کا جب جام آتشیں میں نے

۔۔۔۔۔(12)۔۔۔۔۔

لہو سے لال کیا سینکڑوں زمینوں کو

جہاں میں چھیڑ کے پیکارِ عقل و دیں میں نے

۔۔۔۔۔(13)۔۔۔۔۔

لیکن مجھے پیدا کیا اُس دیس میں تُو نے

جس دیس کے بندے ہیں غلامی پہ رضا مند!

۔۔۔۔۔(14)۔۔۔۔۔

لیکن یہ بتا، تیری اجازت سے فرشتے

کرتے ہیں عطا مردِ فرومایہ کو مِیری؟

۔۔۔۔۔(15)۔۔۔۔۔

لے کے آیا ہے جہاں میں عادتِ سیماب تو

تیری بے تابی کے صدقے، ہے عجب بے تاب تو

۔۔۔۔۔(16)۔۔۔۔۔

لے آیا اپنے ساتھ وہ مردِ وفا سرِشت

ہر چیز، جس سے چشمِ جہاں میں ہو اعتبار

۔۔۔۔۔(17)۔۔۔۔۔

لے آیا اپنے ساتھ وہ مردِ وفا سرِشت

ہر چیز، جس سے چشم جہاں میں ہو اعتبار

۔۔۔۔۔(18)۔۔۔۔۔

لَوح بھی تُو، قلم بھی تُو، تیرا وجود الکتاب

گنبدآبگینہ رنگ تیرے محیط میں حباب

۔۔۔۔۔(19)۔۔۔۔۔

لُطف مرنے میں ہے باقی، نہ مزا جینے میں

کچھ مزا ہے تو یہی خُونِ جگر پینے میں

۔۔۔۔۔(20)۔۔۔۔۔

لُطفِ گویائی میں تیری ہمسری ممکن نہیں

ہو تخیل کا نہ جب تک فکرِ کامل ہم نشیں

---

آ -  ا -  ب -  پ -  ت -  ٹ -  ج -  چ -  ح -  خ -  د -  ڈ -  ذ -  ر -  ز -  س -  ش

ص -  ض -  ط -  ظ -  ع -  غ -  ف -  ق -  ک -  گ -  ل -  م -  ن -  و -  ہ -  ے

---