علامہ اقبال کے ص سے اشعار

علامہ محمد اقبال ؒکے ’’ص‘‘ سے اشعار

(  کل تعداد  :11 )

۔۔۔۔۔(1)۔۔۔۔۔

صُبح ازل یہ مجھ سے کہا جبرئیل نے
جو عقل کا غلام ہو، وہ دل نہ کر قبول

۔۔۔۔۔(2)۔۔۔۔۔

صدائے لن ترانی سُن کے اے اقبالؔ میں چُپ ہوں
تقاضوں کی کہاں طاقت ہے مجھ فرقت کے مارے میں

۔۔۔۔۔(3)۔۔۔۔۔

صدقِ خلیلؑ بھی ہے عشق، صبر حُسینؓ بھی ہے عشق
معرکۂ وجُود میں بدر و حنین بھی ہے عشق

۔۔۔۔۔(4)۔۔۔۔۔

صدیوں میں کہیں پیدا ہوتا ہے حریف اس کا
تلوار ہے تیزی میں صہبائے مسلمانی!

۔۔۔۔۔(5)۔۔۔۔۔

صفحۂ دہر سے باطل کو مٹایا ہم نے
نوعِ انساں کو غلامی سے چھڑایا ہم نے

۔۔۔۔۔(6)۔۔۔۔۔

صفیں کج، دل پریشاں، سجدہ بے ذوق
کہ جذب اندروں باقی نہیں ہے

۔۔۔۔۔(7)۔۔۔۔۔

صلہ اُس رقص کا ہے تشنگی کام و دہن
صلہ اِس رقص کا درویشی و شاہنشاہی!

۔۔۔۔۔(8)۔۔۔۔۔

صورت شمشیر ہے دست قضا میں وہ قوم
کرتی ہے جو ہر زماں اپنے عمل کا حساب

۔۔۔۔۔(9)۔۔۔۔۔

صورتِ شمع نور کی ملتی نہیں قبا اُسے
جس کو خدا نہ دہر میں گریۂ جاں گداز دے

۔۔۔۔۔(10)۔۔۔۔۔

صبح اک گیت سراپا ہے تری سطوت کا

زیر خورشید نشاں تک بھی نہیں ظلمت کا

۔۔۔۔(11)۔۔۔۔۔

صحبت پیر روم سے مجھ پہ ہوا یہ راز فاش

لاکھ حکیم سر بجیب ، ایک کلیم سر بکف

---

آ -  ا -  ب -  پ -  ت -  ٹ -  ج -  چ -  ح -  خ -  د -  ڈ -  ذ -  ر -  ز -  س -  ش

ص -  ض -  ط -  ظ -  ع -  غ -  ف -  ق -  ک -  گ -  ل -  م -  ن -  و -  ہ -  ے

---