علامہ اقبال کے ر سے اشعار

علامہ محمد اقبال ؒکے ’’ر‘‘ سے اشعار

(کل تعداد  : 26  )

۔۔۔۔۔(1)۔۔۔۔۔

راتوں کو چلنے والے رہ جائیں تھک کے جس دم
اُمّید اُن کی میرا ٹُوٹا ہوا دِیا ہو

۔۔۔۔۔(2)۔۔۔۔۔

رازِ ہستی راز ہے جب تک کوئی محرم نہ ہو

کھُل گیا جس دَم تو محرم کے سوا کچھ بھی نہیں

۔۔۔۔۔(3)۔۔۔۔۔

راز ہے، راز ہے تقدیرِ جہانِ تگ و تاز

جوشِ کردار سے کھُل جاتے ہیں تقدیر کے راز

۔۔۔۔۔(4)۔۔۔۔۔

راہ محبت میں کون کسی کا رفیق

ساتھ مرے رہ گئی ایک مری آرزو

۔۔۔۔۔(5)۔۔۔۔۔

رحمتیں ہیں تری اغیار کے کاشانوں پر

برق گرتی ہے تو بیچارے مسلمانوں پر

۔۔۔۔۔(6)۔۔۔۔۔

رخصت محبوب کا مقصد فنا ہوتا اگر

جوش الفت بھی دل عاشق سے کر جاتا سفر

۔۔۔۔۔(7)۔۔۔۔۔

رفتار کی لذت کا احساس نہیں اس کو

فطرت ہی صنوبر کی محروم تمنا ہے

۔۔۔۔۔(8)۔۔۔۔۔

رقابت علم و عرفاں میں غلط بینی ہے منبر کی

کہ وہ حلاج کی سولی کو سمجھا ہے رقیب اپنا

۔۔۔۔۔(9)۔۔۔۔۔

رگوں میں وہ لہو باقی نہیں ہے

وہ دل، وہ آرزع باقی نہیں ہے

۔۔۔۔۔(10)۔۔۔۔۔

رمزیں ہیں محبت کی گستاخی و بے باکی

ہر شوق نہیں گستاخ، ہر جذب نہیں بے باک

۔۔۔۔۔(11)۔۔۔۔۔

رنگ ہو یا خشت و سنگ، چنگ ہو یا حرف و صوت

معجزۂ فن کی ہے خون جگر سے نمود

۔۔۔۔۔(12)۔۔۔۔۔

رو رہی ہے آج اک ٹوٹی ہوئی مینا اُسے

کل تلک گردش میں جس ساقی کے پیمانے رہے

۔۔۔۔۔(13)۔۔۔۔۔

روزِ حساب جب مرا پیش ہو دفتر عمل

آپ بھی شرمسار ہو، مجھ کو بھی شرمسار کر

۔۔۔۔۔(14)۔۔۔۔۔

روشن اس ضو سے اگر ظلمت کردار نہ ہو

خود مسلماں سے ہے پوشیدہ مسلماں کا مقام

۔۔۔۔۔(15)۔۔۔۔۔

رومی بدلے، شامی بدلے، بدلا ہندوستان

تُو بھی اے فرزند کہستاں! اپنی خودی پہچان

۔۔۔۔۔(16)۔۔۔۔۔

رہ گئی رسم اذاں، روح بلالی نہ رہی

فلسفہ وہ گیا، تلقین غزالی نہ رہی

۔۔۔۔۔(17)۔۔۔۔۔

رہتے ہیں ستم کش سفر سب

تارے، انسان، شجر حجر سب

۔۔۔۔۔(18)۔۔۔۔۔

رہے تیری خدائی داغ سے پاک

مرے بے ذوق سجدوں سئ حذر کر

۔۔۔۔۔(19)۔۔۔۔۔

رہے گا تُو ہی جہاں میں ےیگانہ و یکتا

اُتر گیا جو ترے دل میں ، لا شریک لہ

۔۔۔۔۔(20)۔۔۔۔۔

رہے گا راوی و نیل و فرات میں کب تک

ترا سفینہ کہ ہے بحر بے کراں کے لیے!

۔۔۔۔۔(21)۔۔۔۔۔

رہے نہ ایبک و غوری کے معرکے باقی

ہمیشہ تازہ و شریں ہے نغمۂ خسرؔو

۔۔۔۔۔(22)۔۔۔۔۔

رہے نہ رُوح میں پاکیزگی تو ہے نا پید

ضمیر پاک و خیالِ بلند و ذوق لطیف

۔۔۔۔۔(23)۔۔۔۔۔

رہے ہیں، اور ہیں فرعون میری گھات میں اب تک

مگر کیا غم کی میری آستیں میں ہے ید بیضا

۔۔۔۔۔(24)۔۔۔۔۔

رُخصت ات بزم جہاں!سوئے وطن جاتا ہوں میں

آہ! اس آباد ویرانے میں گھبراتا ہوں میں

۔۔۔۔۔(25)۔۔۔۔۔

رلاتا ہے ترا نظارہ اے ہندوستان!مجھ کو

کہ عبرت خیز ہے تیرا افسانہ سب فسانوں میں

۔۔۔۔۔(26)۔۔۔۔۔

رُلاتی ہے مجھے راتوں کو خاموشی ستاروں کی

نرالا عشق ہے میرا، نرالے میرے نالے ہیں

---

آ -  ا -  ب -  پ -  ت -  ٹ -  ج -  چ -  ح -  خ -  د -  ڈ -  ذ -  ر -  ز -  س -  ش

ص -  ض -  ط -  ظ -  ع -  غ -  ف -  ق -  ک -  گ -  ل -  م -  ن -  و -  ہ -  ے

---