علامہ اقبال کے ن سے اشعار

علامہ محمد اقبال ؒکے ’’ ن ‘‘ سے اشعار

( کل تعداد  : 69)

۔۔۔۔۔(1)۔۔۔۔۔

ناداں! ادب و فلسفہ کچھ چیز نہیں ہے

اسباب ہنر کے لیے لازم ہے تگ و دو

۔۔۔۔۔(2)۔۔۔۔۔

نام لیتا ہے اگر کوئی ہمارا، تو غریب
پردہ رکھتا ہے اگر کوئی تمھارا، تو غریب

۔۔۔۔۔(3)۔۔۔۔۔

نشاں یہی ہے زمانے میں زندہ قوموں کا
کہ صُبح و شام بدلتی ہیں ان کی تقدیریں

۔۔۔۔۔(4)۔۔۔۔۔

نشہ پلا کے گرانا تو سب کو آتا ہے
مزا تو جب ہے کہ گرتوں کو تھام لے ساقی

۔۔۔۔۔(5)۔۔۔۔۔

نصیب خطہ ہو یا رب وہ بندۂ درویش
کہ جس کے فقر میں انداز ہوں کلیمانہ

۔۔۔۔۔(6)۔۔۔۔۔

نظر اُس کی پیامِ عید ہے اہلِ مُحرّم کو
بنا دیتی ہے گوہر غم زدوں کے اشکِ پیہم کو

۔۔۔۔۔(7)۔۔۔۔۔

نظر آتے نہیں بے پردہ حقائق اُن کو
آنکھ جن کی ہوئی محکومی و تقلید سے کور

۔۔۔۔۔(8)۔۔۔۔۔

نظر کو خیرہ کرتی ہے چمک تہذیبِ حاضر کی
یہ صناعی مگر جھوٹے نگوں کی ریزہ کاری ہے

۔۔۔۔۔(9)۔۔۔۔۔

نظر میری نہیں ممنونِ سیرِ عرصۂ ہستی
مَیں وہ چھوٹی سی دنیا ہوں کہ آپ اپنی ولایت ہوں

۔۔۔۔۔(10)۔۔۔۔۔

نظر آجاتا ہے مسجد میں بھی تُو عید کے دن
اثرِ وعظ سے ہوتی ہے طبیعت بھی گداز

۔۔۔۔۔(11)۔۔۔۔۔

نظر ہے ابرِ کرم پر، درخت صحرا ہوں
کیا خدا نے نہ محتاجِ باغباں مجھ کو

۔۔۔۔۔(12)۔۔۔۔۔

نغمے بے تاب ہیں تاروں سے نکلنے کے لیے
طور مضطر ہے اُسی آگ میں جلنے کے لیے

۔۔۔۔۔(13)۔۔۔۔۔

نکل کے صحرا سے جس نے روما کی سلطنت کو اُلٹ دیا تھا
سُنا ہے یہ قُدسیوں سے مَیں نے، وہ شیر پھر ہوشیار ہو گا

۔۔۔۔۔(14)۔۔۔۔۔

نگاہ پاک ہے تیری تو پاک ہے دل بھی
کہ دل کو حق نے کِیا ہے نگاہ کا پیرو

۔۔۔۔۔(15)۔۔۔۔۔

نگاہ وہ نہیں جو سُرخ و زرد پہچانے
نگاہ وہ ہے کہ محتاجِ مہر و ماہ نہیں

۔۔۔۔۔(16)۔۔۔۔۔

نگاہِ شوق میسر نہیں اگر تجھ کو
ترا وجود ہے قلب و نظر کی رسوائی

۔۔۔۔۔(17)۔۔۔۔۔

نگاہِ عشق و مستی میں وہی اوّل، وہی آخر
وہی قرآں، وہی فرقاں، وہی یٰسیں، وہی طہٰ

۔۔۔۔۔(18)۔۔۔۔۔

نگاہ فقر میں شان سکندری کیا ہے

خراج کی جو گدا ہو، وہ قیصری کیا ہے!

۔۔۔۔۔(19)۔۔۔۔۔

نماز و روزہ و قربانی و حج

یہ سب باقی ہیں، تو باقی نہیں ہے

۔۔۔۔۔(20)۔۔۔۔۔

نمایاں ہو کے دکھلادے کبھی ان کو جمال اپنا

بہت مدت سے چرچے ہیں ترے باریک بینوں میں

۔۔۔۔۔(21)۔۔۔۔۔

نوا پیرا ہو اے بلبل کہ ہو تیرے ترنّم سے
کبوتر کے تنِ نازک میں شاہیں کا جگر پیدا

۔۔۔۔۔(22)۔۔۔۔۔

نوائے صُبح‌گاہی نے جگر خُوں کر دیا میرا
خدایا جس خطا کی یہ سزا ہے، وہ خطا کیا ہے!

۔۔۔۔۔(23)۔۔۔۔۔

نئی بجلی کہاں ان بادلوں کے جیب و دامن میں
پرانی بجلیوں سے بھی ہے جن کی آستیں خالی!

۔۔۔۔۔(24)۔۔۔۔۔

نئے انداز پائے نوجوانوں کی طبیعت نے
یہ رعنائی، یہ بیداری، یہ آزادی، یہ بے باکی

۔۔۔۔۔(25)۔۔۔۔۔

نہ ایراں میں رہے باقی، نہ تُوراں میں رہے باقی
وہ بندے فقر تھا جن کا ہلاکِ قیصر و کسریٰ

۔۔۔۔۔(26)۔۔۔۔۔

نہ پروا ہماری ذرا تم نے کی
گئے چھوڑ، اچھّی وفا تم نے کی!

۔۔۔۔۔(27)۔۔۔۔۔

نہ پُوچھو مجھ سے لذّت خانماں برباد رہنے کی
نشیمن سینکڑوں میں نے بنا کر پھونک ڈالے ہیں

۔۔۔۔۔(28)۔۔۔۔۔

نہ تخت و تاج میں نَے لشکر و سپاہ میں ہے
جو بات مردِ قلندر کی بارگاہ میں ہے

۔۔۔۔۔(29)۔۔۔۔۔

نہ تخم ’لا الہ‘ تیری زمین شور سے پھوٹا
زمانے بھر میں رُسوا ہے تری فطرت کی نازائی

۔۔۔۔۔(30)۔۔۔۔۔

نہ تھا اگر تُو شریک محفل، قصور میرا ہے یا کہ تیرا
مِرا طریقہ نہیں کہ رکھ لوں کسی کی خاطر مۓ شبانہ

۔۔۔۔۔(31)۔۔۔۔۔

نہ تُو زمیں کے لیے ہے نہ آسماں کے لیے
جہاں ہے تیرے لیے، تُو نہیں جہاں کے لیے

۔۔۔۔۔(32)۔۔۔۔۔

نہ جرأت ہے، نہ خنجر ہے تو قصدخودکشی کیسا
یہ مانا درد ناکامی گیا تیرا گزر حد سے

۔۔۔۔۔(33)۔۔۔۔۔

نہ خود بیں، نےخدا بیں نے جہاں بیں
یہی شہکار ہے تیرے ہُنر کا!

۔۔۔۔۔(34)۔۔۔۔۔

نہ دیکھا آنکھ اٹھا کر جلوۂ دوست
قیامت میں تماشا بن گیا میں!

۔۔۔۔۔(35)۔۔۔۔۔

نہ ڈھونڈ اس چیز کو تہذیب حاضر کی تجلی میں
کہ پایا میں نے استغنا میں معراجِ مسلمانی

۔۔۔۔۔(36)۔۔۔۔۔

نہ رہ اپنوں سے بے پروا، اسی میں خیر ہے تیری
اگر منظور ہے دنیا میں او بیگانہ خو! رہنا

۔۔۔۔۔(37)۔۔۔۔۔

نہ ستارے میں ہے، نَے گردشِ افلاک میں ہے
تیری تقدیر مرے نالۂ بے باک میں ہے

۔۔۔۔۔(38)۔۔۔۔۔

نہ ستیزہ گاہِ جہاں نئی نہ حریفِ پنجہ فگن نئے
وہی فطرتِ اسَداللّہی، وہی مرحبی، وہی عنتری

۔۔۔۔۔(39)۔۔۔۔۔

نہ سلیقہ مجھ میں کلیم کا نہ قرینہ تجھ میں خلیل کا
میں ہلاکِ جادوئے سامری، تُو قتیل شیوۂ آزری

۔۔۔۔۔(40)۔۔۔۔۔

نہ سمجھو گے تو مِٹ جاؤ گے اے ہندوستاں والو!
تمھاری داستاں تک بھی نہ ہو گی داستانوں میں

۔۔۔۔۔(41)۔۔۔۔۔

نہ صہباہوں نہ ساقی ہوں، نہ مستی ہوں نہ پیمانہ
میں اس میخانۂ ہستی میں ہر شے کی حقیقت ہوں

۔۔۔۔۔(42)۔۔۔۔۔

نہ فقر کے لیے موزُوں، نہ سلطنت کے لیے
وہ قوم جس نے گنّوایا متاعِ تیموری

۔۔۔۔۔(43)۔۔۔۔۔

نہ فلسفی سے، نہ مُلّا سے ہے غرض مجھ کو
یہ دل کی موت، وہ اندیشہ و نظر کا فساد

۔۔۔۔۔(44)۔۔۔۔۔

نہ کر افرنگ کا اندازہ اس کی تابناکی سے
کہ بجلی کے چراغوں سے ہے اس جوہر کی برّاقی

۔۔۔۔۔(45)۔۔۔۔۔

نہ کر دیں مجھ کو مجبور نوا فردوس میں حوریں
مرا سوزدروں پھر گرمی محفل نہ بن جائے

۔۔۔۔۔(46)۔۔۔۔۔

نہ کر ذکرِ فراق و آشنائی
کہ اصلِ زندگی ہے خود نُمائی

۔۔۔۔۔(47)۔۔۔۔۔

نہ کہیں جہاں میں اماں ملی، جو اماں ملی تو کہاں ملی
مرے جُرم خانہ خراب کو ترے عفو بندہ نواز میں

۔۔۔۔۔(48)۔۔۔۔۔

نہ مجھ سے پُوچھ کہ عمرِ گریز پا کیا ہے
کسے خبر کہ یہ نیرنگ و سیمیا کیا ہے

۔۔۔۔۔(49)۔۔۔۔۔

نہ محتاجِ سُلطاں، نہ مرعوب سُلطاں
محبّت ہے آزادی و بے نیازی

۔۔۔۔۔(50)۔۔۔۔۔

نہ مشرق اس سے بَری ہے، نہ مغرب اس سے بَری
جہاں میں عام ہے قلب و نظر کی رَنجوری

۔۔۔۔۔(51)۔۔۔۔۔

نہ میں اعجمی نہ ہندی، نہ عراقی و حجازی
کہ خودی سے میں نے سیکھی دو جہاں سے بے نیازی

۔۔۔۔۔(52)۔۔۔۔۔

نہ مے، نہ شعر، نہ ساقی، نہ شور چنگ و رباب
سکُوتِ کوہ و لب جُوے و لالۂ خودرُو!

۔۔۔۔۔(53)۔۔۔۔۔

نہ وہ عشق میں رہیں گرمیاں، نہ وہ حُسن میں رہیں شوخیاں
نہ وہ غزنوی میں تڑپ رہی، نہ وہ خم ہے زُلفِ ایاز میں

۔۔۔۔۔(54)۔۔۔۔۔

نہ ہو جلال تو حُسن و جمال بے تاثیر
نرا نفس ہے اگر نغمہ ہو نہ آتش ناک

۔۔۔۔۔(55)۔۔۔۔۔

نہ ہو قناعت شعار گُلچیں! اسی سے قائم ہے شان تیری
وفورِ گُل ہے اگر چمن میں تو اور دامن دراز ہو جا

۔۔۔۔۔(56)۔۔۔۔۔

ہ ہو نومید، نومیدی زوالِ علم و عرفاں ہے
اُمیدِ مردِ مومن ہے خدا کے راز دانوں میں

۔۔۔۔۔(57)۔۔۔۔۔

نہ یہ خدمت، نہ یہ عزّت، نہ یہ رفعت اچھّی
اس گھڑی بھر کے چمکنے سے تو ظلمت اچھّی

۔۔۔۔۔(58)۔۔۔۔۔

نہ آتے، ہمیں اس میں تکرار کیا تھی
مگر وعدہ کرتے ہوئے عار کیا تھی

۔۔۔۔۔(59)۔۔۔۔۔

نہیں بیگانگی اچھّی رفیق راہِ منزل سے
ٹھہر جا اے شرر، ہم بھی تو آخر مٹنے والے ہیں

۔۔۔۔۔(60)۔۔۔۔۔

نہیں تیرا نشیمن قصرِ سُلطانی کے گُنبد پر
تو شاہیں ہے، بسیرا کر پہاڑوں کی چٹانوں میں

۔۔۔۔۔(61)۔۔۔۔۔

نہیں جنس ثواب آخرت کی آرزو مجھ کو
وہ سوداگر ہوں، میں نے نفع دیکھا ہے خسارے میں

۔۔۔۔۔(62)۔۔۔۔۔

نہیں ہے چیز نکمّی کوئی زمانے میں
کوئی بُرا نہیں قُدرت کے کارخانے میں

۔۔۔۔۔(63)۔۔۔۔۔

نہیں ہے نا اُمید اقبالؔ اپنی کشتِ ویراں سے
ذرا نم ہو تو یہ مٹّی بہت زرخیز ہے ساقی

۔۔۔۔۔(64)۔۔۔۔۔

نہیں ہے وابستہ زیرِ گردُوں کمال شانِ سکندری سے
تمام ساماں ہے تیرے سینے میں، تُو بھی آئینہ ساز ہو جا

۔۔۔۔۔(65)۔۔۔۔۔

نہیں یہ شانِ خودداری، چمن سے توڑ کر تجھ کو
کوئی دستار میں رکھ لے، کوئی زیبِ گلو کر لے

۔۔۔۔۔(66)۔۔۔۔۔

نے پردہ، نہ تعلیم، نئی ہو کہ پُرانی
نِسوانیتِ زن کا نگہباں ہے فقط مرد

۔۔۔۔۔(67)۔۔۔۔۔

نگہ بلند، سخن دل نواز، جاں پُرسوز
یہی ہے رختِ سفر میرِ کارواں کے لیے

۔۔۔۔۔(68)۔۔۔۔۔

نُدرتِ فکر و عمل کیا شے ہے، ذوقِ انقلاب
نُدرتِ فکر و عمل کیا شے ہے، مِلّت کا شباب

۔۔۔۔۔(69)۔۔۔۔۔

نُدرتِ فکر و عمل سے معجزاتِ زندگی
نُدرتِ فکر و عمل سے سنگِ خارا لعل ناب

---

آ -  ا -  ب -  پ -  ت -  ٹ -  ج -  چ -  ح -  خ -  د -  ڈ -  ذ -  ر -  ز -  س -  ش

ص -  ض -  ط -  ظ -  ع -  غ -  ف -  ق -  ک -  گ -  ل -  م -  ن -  و -  ہ -  ے

---