علامہ اقبال کے و سے اشعار

علامہ اقبال ؒ   کے ’’ و  ‘‘ سے  اشعار

(کل تعداد  : 39)

۔۔۔۔۔(1)۔۔۔۔۔

واعظ ثبوت لائے جو مے کے جواز میں
اقبالؔ کو یہ ضد ہے کہ پینا بھی چھوڑ دے

۔۔۔۔۔(2)۔۔۔۔۔

واعظ! کمالِ ترک سے ملتی ہے یاں مراد
دنیا جو چھوڑ دی ہے تو عقبیٰ بھی چھوڑ دے

۔۔۔۔۔(3)۔۔۔۔۔

وائے نادانی کہ تُو محتاجِ ساقی ہو گیا
مے بھی تو، مینا بھی تو، ساقی بھی تو، محفل بھی تُو

۔۔۔۔۔(4)۔۔۔۔۔

وائے ناکامی، فلک نے تاک کر توڑا اُسے
میں نے جس ڈالی کو تاڑا آشیانے کے لیے

۔۔۔۔۔(5)۔۔۔۔۔

وجودِ زن سے ہے تصویرِ کائنات میں رنگ
اسی کے ساز سے ہے زندگی کا سوزِ درُوں

۔۔۔۔۔(6)۔۔۔۔۔

وحدت کی حفاظت نہیں بے قُوّتِ بازو
آتی نہیں کچھ کام یہاں عقل خدا داد

۔۔۔۔۔(7)۔۔۔۔۔

وصل کے اسباب پیدا ہوں تری تحریر سے
دیکھ! کوئی دل نہ دُکھ جائے تری تقریر سے

۔۔۔۔۔(8)۔۔۔۔۔

وضع میں تم ہو نصاریٰ تو تمدّن میں ہنود
یہ مسلماں ہیں! جنھیں دیکھ کے شرمائیں یہود

۔۔۔۔۔(9)۔۔۔۔۔

وطن کی فکر کر ناداں! مصیبت آنے والی ہے
تری بربادیوں کے مشورے ہیں آسمانوں میں

۔۔۔۔۔(10)۔۔۔۔۔

ولایت، پادشاہی، علم اشیا کی جہاں‌گیری
یہ سب کیا ہیں، فقط اک نکتۂ ایماں کی تفسیریں

۔۔۔۔۔(11)۔۔۔۔۔

وہ دانائے سُبل، ختم الرُّسل، مولائے کُلؐ جس نے
غُبارِ راہ کو بخشا فروغِ وادیِ سینا

۔۔۔۔۔(12)۔۔۔۔۔

وہ اپنی لامکانی میں رہیں مست
مجھے اتنا بتا دیں مَیں کہاں ہوں!

۔۔۔۔۔(13)۔۔۔۔۔

وہ اپنے حُسن کی مستی سے ہیں مجبورِ پیدائی
مری آنکھوں کی بینائی میں ہیں اسبابِ مستوری

۔۔۔۔۔(14)۔۔۔۔۔

وہ آتش آج بھی تیرا نشیمن پُھونک سکتی ہے
طلب صادق نہ ہو تیری تو پھر کیا شکوۂ ساقی!

۔۔۔۔۔(15)۔۔۔۔۔

وہ آستاں نہ چُھٹا تجھ سے ایک دم کے لیے
کسی کے شوق میں تو نے مزے ستم کے لیے

۔۔۔۔۔(16)۔۔۔۔۔

وہ پُرانے چاک جن کو عقل سی سکتی نہیں
عشق سیتا ہے اُنھیں بے سوزن و تارِ رَفو

۔۔۔۔۔(17)۔۔۔۔۔

وہ پیاری پیاری صورت، وہ کامنی سی مورت
آباد جس کے دم سے تھا میرا آشیانا

۔۔۔۔۔(18)۔۔۔۔۔

وہ جواں، قامت میں ہے جو صُورتِ سروِ بلند
تیری خدمت سے ہُوا جو مجھ سے بڑھ کر بہرہ مند

۔۔۔۔۔(19)۔۔۔۔۔

وہ چُپ چاپ تھے آگے پیچھے رواں
خدا جانے جانا تھا اُن کو کہاں

۔۔۔۔۔(20)۔۔۔۔۔

وہ چشمِ پاک‌بیں کیوں زینتِ برگستواں دیکھے
نظر آتی ہے جس کو مردِ غازی کی جگر تابی

۔۔۔۔۔(21)۔۔۔۔۔

وہ چنگاری خس و خاشاک سے کس طرح دب جائے
جسے حق نے کیا ہو نیستاں کے واسطے پیدا

۔۔۔۔۔(22)۔۔۔۔۔

وہ حُسن کیا جو محتاجِ چشم بینا ہو
نموُد کے لیے منّت پذیرِ فردا ہو

۔۔۔۔۔(23)۔۔۔۔۔

وہ زمانے میں معزّز تھے مسلماں ہو کر
اور تم خوار ہوئے تارکِ قُرآن ہو کر

۔۔۔۔۔(24)۔۔۔۔۔

وہ سجدہ، روحِ زمیں جس سے کانپ جاتی تھی
اُسی کو آج ترستے ہیں منبر و محراب

۔۔۔۔۔(25)۔۔۔۔۔

وہ سحرَ جس سے لرزتا ہے شبستانِ وجود
ہوتی ہے بندۂ مومن کی اذاں سے پیدا

۔۔۔۔۔(26)۔۔۔۔۔

وہ شبِ درد و سوز و غم، کہتے ہیں زندگی جسے
اُس کی سحرَ ہے تُو کہ میں، اُس کی اذاں ہے تُو کہ میں

۔۔۔۔۔(27)۔۔۔۔۔

وہ صاحبِ فن چاہے تو فن کی بَرکت سے
ٹپکے بدنِ مہر سے شبنم کی طرح ضَو!

۔۔۔۔۔(28)۔۔۔۔۔

وہ ضرب اگر کوہ شکن بھی ہو تو کیا ہے
جس سے متزلزل نہ ہوئی دولت پرویز

۔۔۔۔۔(29)۔۔۔۔۔

وہ فریب خوردہ شاہیں کہ پلا ہو کرگسوں میں
اُسے کیا خبر کہ کیا ہے رہ و رسم شاہبازی

۔۔۔۔۔(30)۔۔۔۔۔

وہ فکر گستاخ جس نے عُریاں کِیا ہے فطرت کی طاقتوں کو
اُسی کی بیتاب بجلیوں سے خطر میں ہے اُس کا آشیانہ

۔۔۔۔۔(31)۔۔۔۔۔

وہ قوم نہیں لائقِ ہنگامۂ فردا
جس قوم کی تقدیر میں امروز نہیں ہے!

۔۔۔۔۔(32)۔۔۔۔۔

وہ کچھ اور شے ہے، محبّت نہیں ہے
سکھاتی ہے جو غزنوی کو ایازی

۔۔۔۔۔(33)۔۔۔۔۔

وہ کل کے غم و عیش پہ کچھ حق نہیں رکھتا
جو آج خود افروز و جگر سوز نہیں ہے

۔۔۔۔۔(34)۔۔۔۔۔

وہ مِلّت رُوح جس کی ’لا ‘سے آگے بڑھ نہیں سکتی
یقیں جانو، ہُوا لبریز اُس ملّت کا پیمانہ

۔۔۔۔۔(35)۔۔۔۔۔

وہ نشانِ سجدہ جو روشن تھا کوکب کی طرح
ہوگئی ہے اُس سے اب ناآشنا تیری جبیں

۔۔۔۔۔(36)۔۔۔۔۔

وہی جواں ہے قبیلے کی آنکھ کا تارا
شباب جس کا ہے بے داغ، ضرب ہے کاری

۔۔۔۔۔(37)۔۔۔۔۔

وہی جہاں ہے تِرا جس کو تُو کرے پیدا
یہ سنگ و خشت نہیں، جو تری نگاہ میں ہے

۔۔۔۔۔(38)۔۔۔۔۔

وہی ہے بندۂ حُر جس کی ضَرب ہے کاری
نہ وہ کہ حَرب ہے جس کی تمام عیّاری

۔۔۔۔۔(39)۔۔۔۔۔

وہی ہے صاحبِ امروز جس نے اپنی ہمّت سے
زمانے کے سمندر سے نکالا گوہرِ فردا

---

آ -  ا -  ب -  پ -  ت -  ٹ -  ج -  چ -  ح -  خ -  د -  ڈ -  ذ -  ر -  ز -  س -  ش

ص -  ض -  ط -  ظ -  ع -  غ -  ف -  ق -  ک -  گ -  ل -  م -  ن -  و -  ہ -  ے

---