علامہ اقبال کے س سے اشعار

علامہ محمد اقبال ؒکے ’’س‘‘ سے اشعار

(کل تعداد : 37)

۔۔۔۔۔(1)۔۔۔۔۔

سارے جہاں سے اچھا ہندوستاں ہمارا

ہم بلبلیں ہیں اس کی یہ گلستاں ہمارا

۔۔۔۔۔(2)۔۔۔۔۔

ساکناں دشت وصحرا میں ہے تُو سب سے الگ

کون ہیں تیرے اَب وجَد، کس قبیلے سے ہے تُو؟

۔۔۔۔۔(3)۔۔۔۔۔

سبق پھر پڑھ صداقت کا، عدالت کا،شجاعت کا

لیا جائے گا تجھ سے کام دنیا کی امامت کا

۔۔۔۔۔(4)۔۔۔۔۔

سبق ملا ہے یہ معراج مصطفیٰؐ سے مجھے

کہ عالم بشریت کی زد میں ہے گردُوں

۔۔۔۔۔(5)۔۔۔۔۔

سپاس شرطِ ادب ہے ورنہ کرم تراہے ستم سے بڑھ کر

ذرا سا اک دل دیا ہے، وہ بھی فریب خوردہ ہےآرزو کا

۔۔۔۔۔(6)۔۔۔۔۔

ستاروں سے آگے جہاں اور بھی ہیں

ابھی عشق کے امتحاں اور بھی ہیں

۔۔۔۔۔(7)۔۔۔۔۔

ستارےعشق کےتیری کشش سے ہیں قائم

نظام مہر کی صورت نظام ہے تیرا

۔۔۔۔۔(8)۔۔۔۔۔

ستم ہو کہ ہو وعدۂ بے حجابی

کوئی بات صبر آزما چاہتا ہوں

۔۔۔۔۔(9)۔۔۔۔۔

ستیزہ کار رہا ہے ازل سے تا امروز

چراغ مصطفویؐ سے شرار بولہبی

۔۔۔۔۔(10)۔۔۔۔۔

سچ کہہ دوں اے برہمن!گر تو برانہ مانے

تیرے صنم کدوں کے بت ہوگئے پرانے

۔۔۔۔۔(11)۔۔۔۔۔

سحر نے تارے سے سُن کر سنائی شبنم کو

فلک کی بات بتادی زمیں کے محرم کو

۔۔۔۔۔(12)۔۔۔۔۔

سختیاں کرتا ہوں دل پر،غیرسےغافل ہوں میں

ہائے کیا اچھی کہی ظالم ہوں،جاہل ہوں میں

۔۔۔۔۔(13)۔۔۔۔۔

سخن میں سوز، الہی کہاں سے آتا ہے

یہ چیز وہ ہے کہ پتھر کو بھی گداز کرے

۔۔۔۔۔(14)۔۔۔۔۔

سر پہ آجاتی ہے جب کوئی مصیبت نا گہاں

اشک پیہم دیدۂ انساں سے ہوتے ہیں رواں

۔۔۔۔۔(15)۔۔۔۔۔

سراپا حسن بن جاتا ہے جس کے حسن کا عاشق

بھلا اے دل حسیں ایسا بھی ہے کوئی حسینوں میں

۔۔۔۔۔(16)۔۔۔۔۔

سرما کی ہواؤں میں ہےعرُیاں بدن اس کا

دیتا ہے ہنرُ جس کا امیروں کو دو شالہ

۔۔۔۔۔(17)۔۔۔۔۔

سروَری زیبا فقط اُس ذاتِ بےہمتاکوہے

حکمراں ہے اک وہی ، باقی بتان آزری

۔۔۔۔۔(18)۔۔۔۔۔

سکوت شام سے تا نغمہ سحر گاہی

ہزار مرحلہ ہائے فغان نیم شبی

۔۔۔۔۔(19)۔۔۔۔۔

سکوت شام میں محو سرود ہے راوی

نہ پوچھ مجھ سے جو ہے کیفیت مرے دل کی

۔۔۔۔۔(20)۔۔۔۔۔

سمجھ میں آئی حقیقت نہ جب ستاروں کی

اسی خیال میں راتیں گزار دیں میں نے

۔۔۔۔۔(21)۔۔۔۔۔

سمندر سے ملے پیاسے کو شبنم

بخیلی ہے یہ رزاقی نہیں ہے

۔۔۔۔۔(22)۔۔۔۔۔

سو کام خوشامد سے نکلتے ہیں جہاں میں

دیکھو جسے دنیا میں، خوشامد کا ہے بندا

۔۔۔۔۔(23)۔۔۔۔۔

سوچا بھی ہے اے مرد مسلماں کبھی تُو نے

کیا چیز ہے فولاد کی شمشیر جگر دار

۔۔۔۔۔(24)۔۔۔۔۔

سینہ روشن ہو تو ہے سوز سخن عین حیات

ہو نہ روشن، تو سخن مرگِ دوام اے ساقی

۔۔۔۔۔(25)۔۔۔۔۔

سینہ ہے تیرا میں اُس کے پیام ناز کا

جو نظام دہر میں پیدا بھی ہے، پنہاں بھی ہے

۔۔۔۔۔(26)۔۔۔۔۔

سینۂ افلاک سے اُٹھتی ہے آہ سوز ناک

مرد حق ہوتا ہے جب مرعوب سلطان وامیر

۔۔۔۔۔(27)۔۔۔۔۔

سینے میں اگر نہ ہو دل گرم

رہ جاتی ہے زندگی میں خامی

۔۔۔۔۔(28)۔۔۔۔۔

سینے میں رہے راز ملوکانہ تو بہتر

کرتے نہیں محکوم کو تیغوں سے کبھی زیر

۔۔۔۔۔(29)۔۔۔۔۔

سکھا دیے ہیں اسے شیوہ ہائے خانقہی

فقیہ شہر کو صوفی نے کردیا ہے خراب

۔۔۔۔۔(30)۔۔۔۔۔

سرخ پوشاک ہے پھولوں کی،درختوں کی ہری

تیری محفل میں کوئی سبز،کوئی لال پری

۔۔۔۔۔(31)۔۔۔۔۔

سرمہ بن کر چشم انساں میں سما جاؤں گی میں

رات نے جو کچھ چھپا رکھا تھا،دکھلاؤں گی میں

۔۔۔۔۔(32)۔۔۔۔۔

سلطانی جمہور کا آتا ہے زمانہ

جو نقش کہن تم کو نظر آئے،مٹا دو

۔۔۔۔۔(33)۔۔۔۔۔

سن اے طلب گاردردپہلو!میں ناز ہوں،تو نیاز ہوجا

میں غزنوی سومنات دل کا ہوں تو سراپا ایاز ہوجا

۔۔۔۔۔(34)۔۔۔۔۔

سنا ہے میں نے ، کل یہ گفتگو تھی کارخانے میں

پرانے جھونپڑوں میں ہے ٹھکانا دست کاروں کا

۔۔۔۔۔(35)۔۔۔۔۔

سنا ہے میں نے غلامی سے اُمتوں کی نجات

خودی کی پرورش و لذت نمود میں ہے!

۔۔۔۔۔(36)۔۔۔۔۔

سنا ہے، خاک سے تیری نمود ہے، لیکن

تری سرشت میں ہے کوکبی ومہ تابی

۔۔۔۔۔(37)۔۔۔۔۔

سورج نے دیا اپنی شعاعوں کو یہ پیغام

دینا ہے عجب چیز ، کبھی صبح کبھی شام

---

آ -  ا -  ب -  پ -  ت -  ٹ -  ج -  چ -  ح -  خ -  د -  ڈ -  ذ -  ر -  ز -  س -  ش

ص -  ض -  ط -  ظ -  ع -  غ -  ف -  ق -  ک -  گ -  ل -  م -  ن -  و -  ہ -  ے

---