علامہ اقبال کے د سے اشعار

علامہ محمد اقبال ؒکے ’’د‘‘  اشعار

(کل تعداد : 46)

۔۔۔۔۔(1)۔۔۔۔۔

دامن دیں ہاتھ سے چھوٹا تو جمعیت کہاں

اور جمعیت ہوئی رخصت تو ملت بھی گئی

۔۔۔۔۔(2)۔۔۔۔۔

دانۂ خرمن نما ہے شاعر معجزہ بیاں

ہو نہ خرمن ہی تو اس دانے کی ہستی پھر کہاں

۔۔۔۔۔(3)۔۔۔۔۔

دبا رکھا ہے اس کو زخمہ در کی تیز دستی نے

بہت نیچے سروں میں ہے اب یورپ کا واویلا

۔۔۔۔۔(4)۔۔۔۔۔

درد اپنا مجھ سے کہہ، میں بھی سراپا درد ہوں

جس کی تو منزل تھا، میں اُس کارواں کی گردہوں

۔۔۔۔۔(5)۔۔۔۔۔

درویش خدا مست نہ شرقی ہے نہ غربی

گھر میرا نہ دلّی، نہ صفاہاں، نہ سمر قند

۔۔۔۔۔(6)۔۔۔۔۔

دست دولت آفریں کو مزد یوں ملتی رہی

اہل ثروت جیسے دیتے ہیں غریبوں کو زکات

۔۔۔۔۔(7)۔۔۔۔۔

دست فطرت نے کیا ہے جن گریبانوں کو چاک

مزد کی منطق کی سوزن سے نہیں ہوتے رفو

۔۔۔۔۔(8)۔۔۔۔۔

دست قدرت کی اسے کیا جانے کیوں عریاں کیا!

تجھ کو خاک تیرہ کے فانوس میں پنہاں کیا

۔۔۔۔۔(9)۔۔۔۔۔

دشت تو دشت ہیں، دریا بھی نہ چھوڑے ہم نے

بحر ظلمات مین دوڑادیئے گھوڑے ہم نے

۔۔۔۔۔(10)۔۔۔۔۔

دل سوز سے خالی ہے، نگہ پاک نہیں ہے

پھر اس میں عجب کیا کہ تو بے باک نہیں ہے

۔۔۔۔۔(11)۔۔۔۔۔

دل سے جو بات نکلتی ہے اثر رکھتی ہے

پر نہیں، طاقت پرواز مگر رکھتی ہے

۔۔۔۔۔(12)۔۔۔۔۔

دل کو تڑپاتی ہے اب تک گرمی محفل کی یاد

جل چکا حاصل مگر محفوظ ہے حاصل کی یاد

۔۔۔۔۔(13)۔۔۔۔۔

دل لرزتا ہے حریفانہ کشاکش سے ترا

زندگی موت ہے، کھو دیتی جب ذوق خراش

۔۔۔۔۔(14)۔۔۔۔۔

دل مردہ دل نہیں ہے، اسے زندہ کر دوبارہ

کہ یہی ہے اُمتوں کے مرض کہن کا چارہ

۔۔۔۔۔(15)۔۔۔۔۔

دل میں کوئی اس طرح کی آرزو پیدا کروں

لوٹ جائے آسماں میرے مٹانے کے لیے

۔۔۔۔۔(16)۔۔۔۔۔

دل ہمارے یاد عہد رفتہ سے خالی نہیں

اپنے شاہوں کو یہ امت بھولنے والی نہیں

۔۔۔۔۔(17)۔۔۔۔۔

دل ہے مسلماں میرا نہ تیرا

تو بھی نمازی، میں بھی نمازی!

۔۔۔۔۔(18)۔۔۔۔۔

دلوں میں دلولے آفاق گیری کے نہیں اُٹھتے

نگاہوں میں اگر پیدا نہ ہو انداز آفاقی

۔۔۔۔۔(19)۔۔۔۔۔

دلیل مہر و عفا اس سے بڑھ کے کیا ہوگی

نہ ہو حضور سے الفت تو یہ ستم نہ سہیں

۔۔۔۔۔(20)۔۔۔۔۔

دل آگاہ جب خوابیدہ ہوجاتے ہیں سینوں میں

نوا گر کے لیے زہراب ہوتی ہے شکر خائی

۔۔۔۔۔(21)۔۔۔۔۔

دل بیدار پیدا کر کہ دل خوابیدہ ہے جب تک

نہ تیری ضرب ہے کاری، نہ میری ضرب ہے کاری

۔۔۔۔۔(22)۔۔۔۔۔

دل بینا بھی کر خدا سے طلب

آنکھ کا نور دل کا نور نہیں

۔۔۔۔۔(23)۔۔۔۔۔

دم طوف کرمک شمع نے یہ کہا کہ وہ اثر کہن

نہ تری حکایت سوز میں، نہ مری حدیث گدازمیں

۔۔۔۔۔(24)۔۔۔۔۔

دنیا کے بت کدوں میں پہلا وہ گھر خدا کا

ہم اس کے پاسباں ہیں، وہ پاسباں ہمارا

۔۔۔۔۔(25)۔۔۔۔۔

دنیا کے تیرتھوں سے اونچا ہو اپنا تیرتھ

دامان آسماں سے اس کا کلس ملا دیں

۔۔۔۔۔(26)۔۔۔۔۔

دوعالم سے کرتی ہے بیگانہ دل کو

عجب چیز ہے لذّت آشیائی

۔۔۔۔۔(27)۔۔۔۔۔

دہر کو دیتے ہیں موتی دیدۂ گریاں کے ہم

آخری بادل ہیں اک گزرے ہوئے طوفاں کے ہم

۔۔۔۔۔(28)۔۔۔۔۔

دہقان اگر نہ ہو تن آساں

ہر دانہ ہے صد ہزار دانہ

۔۔۔۔۔(29)۔۔۔۔۔

دیار مغرب کے رہنے والو! خدا کی بستی دکاں نہیں ہے

کھرا جسے تم سمجھ رہے ہو، اب زرکم عیار ہوگا

۔۔۔۔۔(30)۔۔۔۔۔

دیکھ آکر کوچۂ چاک گریباں میں کبھی

قیس تو، لیلیٰ بھی تو، صحرا بھی تو، محمل بھی تو

۔۔۔۔۔(31)۔۔۔۔۔

دیکھ تو اپنا عمل، تجھ کو نظر آتی ہے کیا

وہ صداقت جس کی بے باکی تھی حیرت آفریں

۔۔۔۔۔(32)۔۔۔۔۔

دیکھ مسجد میں شکست رشتۂ تسبیح شیخ

بُت کدے میں برہمن کی پختہ زناری بھی دیکھ

۔۔۔۔۔(33)۔۔۔۔۔

دیکھا بھی دکھایا بھی، سنایا بھی سنا بھی

ہے دل کی تسلی نہ نظر میں، نہ خبر میں!

۔۔۔۔۔(34)۔۔۔۔۔

دیکھا ہے ملوکیت افرنگ نے جو خواب

ممکن ہے کہ اُس خواب کی تعبیر بدل جائے

۔۔۔۔۔(35)۔۔۔۔۔

دیں ہو تو مقاصد میں بھی پیدا ہو بلندی

فظرت ہے جوانوں کی زمیں گیر میں تاز

۔۔۔۔۔(36)۔۔۔۔۔

دے ولولۂ شوق جسے لذّت پرواز

کرسکتا ہے وہ ذرہّ مہ و مہر کو تاراج

۔۔۔۔۔(37)۔۔۔۔۔

دے وہی جام ہمیں بھی مناسب ہے یہی

تو بھی سرشار ہوِ تیرے رُفقا بھی سرشار

۔۔۔۔۔(38)۔۔۔۔۔

دکھا وہ حسن عالم سوز اپنی چشم پرنم کو

جو تڑپاتا ہے پروانے کو رلواتا ہے شبنم کو

۔۔۔۔۔(39)۔۔۔۔۔

دلوں میں ولولۂ انقلاب ہے پیدا

قریب آگئی شاید جہان پیر کی موت!

۔۔۔۔۔(40)۔۔۔۔۔

دیں اذانیں کبھی یورپ کے کلیساؤں میں

کبھی افریقہ کے تپتے ہوئے صحراؤں میں

۔۔۔۔۔(41)۔۔۔۔۔

دَم زندگی رَم زندگی، غم زندگی سَم زندگی

غم رم نہ کر سم غم نہ کھا یہی ہے شان قلندی

۔۔۔۔۔(42)۔۔۔۔۔

دور حاضر ہے حقیقت میں وہی عہد قدیم

اہل سجادہ ہیں یا اہل سیاست ہیں امام

۔۔۔۔۔(43)۔۔۔۔۔

دراج کی پرواز میں ہے شوکت شاہیں

حیرت میں ہے صیاد، یہ شاہیں ہے کی دراج!

۔۔۔۔۔(44)۔۔۔۔۔

دنیا کی محفلوں سے اکتا گیا ہوں یارب!

کیا لطف انجمن کا جب دل ہی بجھ گیا ہو

۔۔۔۔۔(45)۔۔۔۔۔

دنیا میں روایات کے پھندوں میں گرفتار

کیا مدرسہ، کیا مدسے والوں کی تگ و دو!

۔۔۔۔۔(46)۔۔۔۔۔

دور دنیا کا مرے دم سے اندھیرا ہو جائے

ہر جگہ میرے چمکنے سے اُجالا ہو جائے

---

آ -  ا -  ب -  پ -  ت -  ٹ -  ج -  چ -  ح -  خ -  د -  ڈ -  ذ -  ر -  ز -  س -  ش

ص -  ض -  ط -  ظ -  ع -  غ -  ف -  ق -  ک -  گ -  ل -  م -  ن -  و -  ہ -  ے

---