علامہ اقبال کے ج سے اشعار

علامہ محمد اقبال ؒکے ’’ج‘‘ سے اشعار

(کل تعداد : 38)

۔۔۔۔۔(1)۔۔۔۔۔

جا نے ہوتے ہیں مساجد میں صف آرا، تو غریب

زحمت روزہ جو کرتے ہیں گوارا، تو غریب

۔۔۔۔۔(2)۔۔۔۔۔

جان جائے ہاتھ سے جائے نہ ست

ہے یہی اک بات ہر مذہب کا تت

۔۔۔۔۔(3)۔۔۔۔۔

جاں بھی گرو غیر، بدن بھی گرو غیر

افسوس کی باقی نہ مکاں ہے نہ مکیں ہے

۔۔۔۔۔(4)۔۔۔۔۔

جائے حیرت ہے بُرا سارے زمانے کا ہوں میں

مجھ کو یہ خلعت شرافت کا عطا کیونکر ہوا

۔۔۔۔۔(5)۔۔۔۔۔

جب اس انگارۂ خاکی میں ہوتا ہے یقین پیدا

تُو کر لیتا ہے یہ بال و پر رُوح الا میں پیدا

۔۔۔۔۔(6)۔۔۔۔۔

جب سے آباد ترا عشق ہوا سینے میں

نئے جوہر ہوئے پیدا مرے آئینے میں

۔۔۔۔۔(7)۔۔۔۔۔

جب سے چمن چھٹا ہے، یہ حال ہو گیا ہے

دل غم کو کھا رہا ہے، غم دل کو کھا رہا ہے

۔۔۔۔۔(8)۔۔۔۔۔

جب عشق سکھاتا ہے آداب خود آگاہی

کُھلتے ہیں غلاموں پر اسرار شہنشاہی

۔۔۔۔۔(9)۔۔۔۔۔

جتنے اوصاف ہیں لیڈر کے، وہ ہیں تجھ میں سبھی

تجھ کو لازم ہے کی ہواُٹھ کے شریک تگ و تاز

۔۔۔۔۔(10)۔۔۔۔۔

جس بندۂ حق بیں کی خودی ہوگئی بیدار

شمشیر کی مانند ہے بُرندہ و براق

۔۔۔۔۔(11)۔۔۔۔۔

جس روز دل کی رمز مغنی سمجھ گیا

سمجھو تمام مرحلہ ہائے ہُنر ہیں طے

۔۔۔۔۔(12)۔۔۔۔۔

جس ساز کے نغموں سے حرارت تھی دلوں میں

محفل کا وہی ساز ہے بیگانۂ مضراب

۔۔۔۔۔(13)۔۔۔۔۔

جس سے جگر لالہ میں ٹھنڈک ہو، وہ شبنم

دریاؤں کے دل جس سے دہل جائیں، وہ طوفان

۔۔۔۔۔(14)۔۔۔۔۔

جس قوم نے اس زندہ حقیقت کو نہ پایا

اُس قوم کا خورشید بہت جلد ہوا زرد

۔۔۔۔۔(15)۔۔۔۔۔

جس کا عمل ہے بے غرض، اُس کی جزا کچھ اور ہے

حُور و خیام سے گزر، بادہ جام سے گزر

۔۔۔۔۔(16)۔۔۔۔۔

جس کھیت سے دہقان کو میسّر نہیں روزی

اُس کھیت کے ہر خوشۂ گندم کو جلا دو

۔۔۔۔۔(17)۔۔۔۔۔

جس معنی پیچیدہ کی تصدیق کرے دل

قیمت میں بہت بڑھ کے ہے تابندہ گُہر سے

۔۔۔۔۔(18)۔۔۔۔۔

جس موت کا پوشیدہ تقاضا ہے قیامت

اُس موت کے پھندے میں گرفتار نہیں میں

۔۔۔۔۔(19)۔۔۔۔۔

جس میں نہ ہو انقلاب، موت ہے وہ زندگی

روح اُمَم کی حیات کشمکش انقلاب

۔۔۔۔۔(20)۔۔۔۔۔

جفا جو عشق میں ہوتی ہے وہ جفا ہی نہیں

ستم نہ ہو تو محبت میں کچھ مزا ہی نہیں

۔۔۔۔۔(21)۔۔۔۔۔

جلال پادشاہی ہو کہ جمہوری تماشا ہو

جُدا ہو دیں سیاست سے تو رہ جاتی ہے چنگیزی

۔۔۔۔۔(22)۔۔۔۔۔

جلانا ہے مجھے ہر شمع دل کو سوز پنہاں سے

تری تاریک راتوں میں چراغاں کرکے چھوڑوں گا

۔۔۔۔۔(23)۔۔۔۔۔

جمع کر خرمن تو پہلے دانہ دانہ چن کے تو

آہی نکلے گی کوئی بجلی جلانے کے لیے

۔۔۔۔۔(24)۔۔۔۔۔

جن کو آتا نہیں دنیا میں کوئی فن، تم ہو

نہیں جس قعم کو پروائے نشیمن، تم ہو

۔۔۔۔۔(25)۔۔۔۔۔

جنہیں میں ڈُھونڈتا تھا آسمانوں میں زمینوں میں

وہ نکلے میرے ظلمت خانۂ دل کے مکینوں میں

۔۔۔۔۔(26)۔۔۔۔۔

جو کبوتر پر جھپٹنے میں مزا ہے اے پسر

وہ مزا شاید کبوتر کے لہو میں بھی نہیں ہے

۔۔۔۔۔(27)۔۔۔۔۔

جو کرے گا امتیاز رنگ و کوں مٹ جائے گا

تُرک خرگاہی ہو یا اعرابی ولا گُہر

۔۔۔۔۔(28)۔۔۔۔۔

جو مری ہستی کا مقصد ہے، مجھے معلوم ہے

یہ چمک وہ ہے، جبیں جس سے تری محروم ہے

۔۔۔۔۔(29)۔۔۔۔۔

جو موج دریا لگی یہ کہنے، سفر سے قائم ہے شان میری

گُہر یہ بولا صدف نشیبی ہے مجھ کو سامان آبرو کا

۔۔۔۔۔(30)۔۔۔۔۔

جو میں سربسجدہ ہُوا کبھی تو زمیں سے آنے لگی صدا

ترا دل تو ہے صنم آشنا، تجھے کیا ملے گا نماز میں

۔۔۔۔۔(31)۔۔۔۔۔

جو ہے پردوں میں پنہاں، جسم بینا دیکھ لیتی ہے

زمانے کی طبیعت کا تقاضا دیکھ لیتی ہے

۔۔۔۔۔(32)۔۔۔۔۔

جوہر زندگی ہے عشق، جوہر عشق ہے خودی

آہ کہ ہے تیغ تیز پردگی نیام ابھی!

۔۔۔۔۔(33)۔۔۔۔۔

جہاں بانی سے ہے دشوار تر کار جہاں بینی

جگر خوں ہوتو چشم دل میں ہوتی ہے نظر پیدا

۔۔۔۔۔(34)۔۔۔۔۔

جہاں بینی مری فطرت ہے لیکن

کسی جمشید کا ساغر نہیں میں

۔۔۔۔۔(35)۔۔۔۔۔

جہاں میں اہل ایماں صورت خورشید جیتے ہیں

اِدھر ڈُوبے اُدھر نکلے، اُدھر ڈُوبے اِدھر نکلے

۔۔۔۔۔(36)۔۔۔۔۔

جہاں میں تُو کسی دیوار سے نہ ٹکرایا

کسے خبر کہ تُو ہے سنگ خارہ یا کہ زُجاج!

۔۔۔۔۔(37)۔۔۔۔۔

جھپٹنا، پلٹنا، پلٹ کر جھپٹنا

لہو گرم رکھنے کا ہے اک بہانہ

۔۔۔۔۔(38)۔۔۔۔۔

جمہوریت اک طرز حکومت ہے کہ جس میں

بندوں کو گِنا کرتے ہیں، تولا نہیں کرتے

---

آ -  ا -  ب -  پ -  ت -  ٹ -  ج -  چ -  ح -  خ -  د -  ڈ -  ذ -  ر -  ز -  س -  ش

ص -  ض -  ط -  ظ -  ع -  غ -  ف -  ق -  ک -  گ -  ل -  م -  ن -  و -  ہ -  ے

---