علامہ اقبال کے چ سے اشعار

علامہ محمد اقبال ؒکے ’’چ‘‘ سے اشعار

(کل تعداد : 22  )

۔۔۔۔۔(1)۔۔۔۔۔

چاک کر دی تُرک ناداں نے خلافت کی قبا

سادگی مسلم کی دیکھ، اوروں کی عیاری بھی دیکھ

۔۔۔۔۔(2)۔۔۔۔۔

چاہتے سب ہیں کہ ہوں اوج ثریا پہ مقیم

پہلے ویسا کوئی پیدا تو کرے قلب سلیم

۔۔۔۔۔(3)۔۔۔۔۔

چاہیے خانۂ دل کی کوئی منزل خالی

شاید آجائے کہیں سے کوئی مہمان عزیز

۔۔۔۔۔(4)۔۔۔۔۔

چشم اقوام سے مخفی ہے حقیقت تیری

ہے ابھی محفل ہستی کو ضرورت تیری

۔۔۔۔۔(5)۔۔۔۔۔

چشمۂ کوہ کو دی شورش قلزم میں نے

اور پرندوں کو کیا محو ترنم میں نے

۔۔۔۔۔(6)۔۔۔۔۔

چشم اقوام یہ نظارہ ابد تک دیکھے

رفعت شان رفعنالک ذکرک دیکھے

۔۔۔۔۔(7)۔۔۔۔۔

چلنے والے نکل گئے ہیں

جو ٹھہرے ذرا، کچل گئے ہیں

۔۔۔۔۔(8)۔۔۔۔۔

چلی ہے لے کے وطن کے نگار خانے سے

شراب علم کی لذت کشاں کشاں مجھ کو

۔۔۔۔۔(9)۔۔۔۔۔

چل، اے میری غریبی کا تماشا دیکھنے والے

وہ محفل اُٹھ گئی جس دم تو مجھ تک دور جام آیا

۔۔۔۔۔(10)۔۔۔۔۔

چمک تیری عیاں بجلی میں ، آتش میں ، شرارے میں

جھلک تیری ہو یدا چاند میں ، سورج میں ، تارے میں

۔۔۔۔۔(11)۔۔۔۔۔

چمک سورج میں کیا باقی رہے گا

اگر بیزار ہو اپنی کرن سے!

۔۔۔۔۔(12)۔۔۔۔۔

چمکنے والے مسافر! عجب یہ بستی ہے

جو اوج ایک کا ہے، دوسرے کی پستی ہے

۔۔۔۔۔(13)۔۔۔۔۔

چمن میں تلخ نوائی مری گوار کر

کہ زہر بھی کبھی کرتا ہے کارِ تریاقی

۔۔۔۔۔(14)۔۔۔۔۔

چہچہاتے ہیں پرندے پا کے پیغام حیات

باندھتے ہیں پھول بھی گلشن میں احرام حیات

۔۔۔۔۔(15)۔۔۔۔۔

چہروں پہ جو سُرخی نظر آتی ہے سر شام

یا غازہ ہے یا ساغر و مینا کی کرامات

۔۔۔۔۔(16)۔۔۔۔۔

چھپایا حسن کو اپنے کلیم اللہ سے جس نے

وہی ناز آفریں ہے جلوہ پیرا نازنینوں میں

۔۔۔۔۔(17)۔۔۔۔۔

چھوڑ کر مانند بو تیرا چمن جاتا ہوں میں

رخصت اے بزم جہاں! سوئے وطن جاتا ہوں میں

۔۔۔۔۔(18)۔۔۔۔۔

چھوڑوں گی نہ میں ہند کی تاریک فضا کو

جب تک نہ اُٹھیں خواب سے مردان گراں خواب

۔۔۔۔۔(19)۔۔۔۔۔

چھوتی نہ تھی یہود و نصاریٰ کا مال فوج

مسلم، خدا کے حکم سے مجبور ہوگیا

۔۔۔۔۔(20)۔۔۔۔۔

چیتے کا جگر چاہیئے، شاہیں کا تجسّس

جی سکتے ہیں بے روشنی دانش و فرہنگ

۔۔۔۔۔(21)۔۔۔۔۔

چین و عرب ہمارا، ہندستاں ہمارا

مسلم ہیں ہم، وطن ہے سارا جہاں ہمارا

۔۔۔۔۔(22)۔۔۔۔۔

چٹے بٹے ایک ہی تھیلی کے ہیں

ساہو کاری، بسوہ داری، سلطنت