علامہ اقبال کے ک سے اشعار

علامہ محمد اقبال ؒکے ’’ ک ‘‘ سے اشعار

(  کل تعداد  : 72)

۔۔۔۔۔(1)۔۔۔۔۔

کافر کی موت سے بھی لَرزتا ہو جس کا دل

کہتا ہے کون اُسے کہ مسلماں کی موت مر

۔۔۔۔۔(2)۔۔۔۔۔

کافر کی یہ پہچان کہ آفاق میں گم ہے

مومن کی یہ پہچان کہ گم اس میں ہیں آفاق!

۔۔۔۔۔(3)۔۔۔۔۔

کافر ہے تو شمشیر پہ کرتا ہے بھروسا

مومن ہے تو بے تیغ بھی لڑتا ہے سپاہی

۔۔۔۔۔(4)۔۔۔۔۔

کافر ہے تو ہے تابعِ تقدیر مسلماں

مومن ہے تو وہ آپ ہے تقدیر الٰہی

۔۔۔۔۔(5)۔۔۔۔۔

کافر ہے مسلماں تو نہ شاہی نہ فقیری

مومن ہے تو کرتا ہے فقیری میں بھی شاہی

۔۔۔۔۔(6)۔۔۔۔۔

کافروں کی مسلم آئینی کا بھی نظّارہ کر

اور اپنے مسلموں کی مسلم آزاری بھی دیکھ

۔۔۔۔۔(7)۔۔۔۔۔

کافرِ ہندی ہوں میں، دیکھ مرا ذوق و شوق

دل میں صلوٰۃ و دُرود، لب پہ صلوٰۃ و دُرود

۔۔۔۔۔(8)۔۔۔۔۔

کام اپنا ہے صبح و شام چلنا

چلنا، چلنا، مدام چلنا

۔۔۔۔۔(9)۔۔۔۔۔

کبھی اپنا بھی نظارہ کِیا ہے تو نے اے مجنوں

کہ لیلیٰ کی طرح تو خود بھی ہے محمل نشینوں میں

۔۔۔۔۔(10)۔۔۔۔۔

کبھی اے حقیقت منتظر! نظر آ لباسِ مجاز میں

کہ ہزاروں سجدے تڑپ رہے ہیں مری جبین نیاز میں

۔۔۔۔۔(11)۔۔۔۔۔

کبھی اے نوجواں مسلم! تدبّر بھی کیا تُو نے

وہ کیا گردُوں تھا تُو جس کا ہے اک ٹوٹا ہوا تارا

۔۔۔۔۔(12)۔۔۔۔۔

کبھی جو آوارۂ جنوں تھے، وہ بستیوں میں پھر آ بسیں گے

برہنہ پائی وہی رہے گی، مگر نیا خارزار ہو گا

۔۔۔۔۔(13)۔۔۔۔۔

کبھی چھوڑی ہوئی منزل بھی یاد آتی ہے راہی کو

کھٹک سی ہے جو سینے میں، غمِ منزل نہ بن جائے

۔۔۔۔۔(14)۔۔۔۔۔

کبھی صحرا، کبھی گلزار ہے مسکن میرا

شہر و ویرانہ مرا، بحر مرا، بَن میرا

۔۔۔۔۔(15)۔۔۔۔۔

کبھی ہم سے، کبھی غیروں سے شناسائی ہے

بات کہنے کی نہیں، تُو بھی تو ہرجائی ہے!

۔۔۔۔۔(16)۔۔۔۔۔

کچھ اور ہی نظر آتا ہے کاروبارِ جہاں

نگاہِ شوق اگر ہو شریکِ بینائی

۔۔۔۔۔(17)۔۔۔۔۔

کچھ بات ہے کہ ہستی مٹتی نہیں ہماری

صدیوں رہا ہے دشمن دورِ زماں ہمارا

۔۔۔۔۔(18)۔۔۔۔۔

کچھ جو سمجھا مرے شکوے کو تو رضواں سمجھا

مجھے جنّت سے نکالا ہوا انساں سمجھا

۔۔۔۔۔(19)۔۔۔۔۔

کچھ جو سنتا ہوں تو اَوروں کو سُنانے کے لیے

دیکھتا ہوں کچھ تو اَوروں کو دِکھانے کے لیے

۔۔۔۔۔(20)۔۔۔۔۔

کچھ شک نہیں پرواز میں آزاد ہے تُو بھی

حد ہے تری پرواز کی لیکن سرِ دیوار

۔۔۔۔۔(21)۔۔۔۔۔

کچھ عار اسے حُسن فروشوں سے نہیں ہے

عادت یہ ہمارے شعرا کی ہے پُرانی

۔۔۔۔۔(22)۔۔۔۔۔

کر بلبل و طاؤس کی تقلید سے توبہ

بُلبل فقط آواز ہے، طاؤس فقط رنگ!

۔۔۔۔۔(23)۔۔۔۔۔

کر پہلے مجھ کو زندگیِ جاوداں عطا

پھر ذوق و شوق دیکھ دلِ بے قرار کا

۔۔۔۔۔(24)۔۔۔۔۔

کر سکتے تھے جو اپنے زمانے کی امامت

وہ کُہنہ دماغ اپنے زمانے کے ہیں پَیرو!

۔۔۔۔۔(25)۔۔۔۔۔

کرتے تھے بیاں آپ کرامات کا اپنی

منظور تھی تعداد مُریدوں کی بڑھانی

۔۔۔۔۔(26)۔۔۔۔۔

کس قدر اے مے! تجھے رسمِ حجاب آئی پسند

پردۂ انگور سے نکلی تو میناؤں میں تھی

۔۔۔۔۔(27)۔۔۔۔۔

کس قدر بے باک دل اس ناتواں پیکر میں تھا

شعلۂ گردُوں نَورد اک مُشتِ خاکستر میں تھا

۔۔۔۔۔(28)۔۔۔۔۔

کس قدر تم پہ گراں صبح کی بیداری ہے

ہم سے کب پیار ہے! ہاں نیند تمھیں پیاری ہے

۔۔۔۔۔(29)۔۔۔۔۔

کس کو معلوم ہے ہنگامۂ فردا کا مقام

مسجد و مکتب و میخانہ ہیں مُدّت سے خموش

۔۔۔۔۔(30)۔۔۔۔۔

کسی ایسے شرر سے پھونک اپنے خرمنِ دل کو

کہ خورشیدِ قیامت بھی ہو تیرے خوشہ چینوں میں

۔۔۔۔۔(31)۔۔۔۔۔

کسی نے دوش دیکھا ہے نہ فردا

فقط امروز ہے تیرا زمانہ

۔۔۔۔۔(32)۔۔۔۔۔

کسے خبر کہ سفینے ڈبو چکی کتنے

فقیہ و صوفی و شاعر کی نا خوش اندیشی

۔۔۔۔۔(33)۔۔۔۔۔

کسے نہیں ہے تمنّائے سَروری، لیکن

خودی کی موت ہو جس میں وہ سَروری کیا ہے!

۔۔۔۔۔(34)۔۔۔۔۔

کلی زورنفس سے بھی وہاں گُل ہو نہیں سکتی

جہاں ہر شے ہو محروم تقاضائے خود افزائی

۔۔۔۔۔(35)۔۔۔۔۔

کنارِ دریا خضَر نے مجھ سے کہا بہ اندازِ محرمانہ

سکندری ہو، قلندری ہو، یہ سب طریقے ہیں ساحرانہ

۔۔۔۔۔(36)۔۔۔۔۔

کون کر سکتا ہے اس کی آتشِ سوزاں کو سرد

جس کے ہنگاموں میں ہو اِبلیس کا سوزِ دروں

۔۔۔۔۔(37)۔۔۔۔۔

کوئی اب تک نہ یہ سمجھا کہ انساں

کہاں جاتا ہے، آتا ہے کہاں سے

۔۔۔۔۔(38)۔۔۔۔۔

کوئی اندازہ کر سکتا ہے اُس کے زور بازو کا!

نگاہِ مردِ مومن سے بدل جاتی ہیں تقدیریں

۔۔۔۔۔(39)۔۔۔۔۔

کوئی ایسی طرزِ طواف تُو مجھے اے چراغِ حرم بتا!

کہ ترے پتنگ کو پھر عطا ہو وہی سرشتِ سمندری

۔۔۔۔۔(40)۔۔۔۔۔

کوئی دَم کا مہماں ہوں اے اہلِ محفل

چراغِ سحر ہوں، بجھا چاہتا ہوں

۔۔۔۔۔(41)۔۔۔۔۔

کوئی قابل ہو تو ہم شانِ کئی دیتے ہیں

ڈھُونڈنے والوں کو دنیا بھی نئی دیتے ہیں

۔۔۔۔۔(42)۔۔۔۔۔

کہاں سے تُونے اے اقبالؔ سیکھی ہے یہ درویشی

کہ چرچا پادشاہوں میں ہے تیری بے نیازی کا

۔۔۔۔۔(43)۔۔۔۔۔

کھنچے خود بخود جانبِ طُور موسیٰؑ

کشش تیری اے شوقِ دیدار کیا تھی!

۔۔۔۔۔(44)۔۔۔۔۔

کھو دیے انکار سے تُو نے مقاماتِ بلند

چشمِ یزداں میں فرشتوں کی رہی کیا آبرو!

۔۔۔۔۔(45)۔۔۔۔۔

کھو نہ جا اس سحر و شام میں اے صاحبِ ہوش!

اک جہاں اور بھی ہے جس میں نہ فردا ہے نہ دوش

۔۔۔۔۔(46)۔۔۔۔۔

کھول آنکھ، زمیں دیکھ، فلک دیکھ، فضا دیکھ

مشرق سے اُبھرتے ہوئے سُورج کو ذرا دیکھ

۔۔۔۔۔(47)۔۔۔۔۔

کھول کے کیا بیاں کروں سر مقام مرگ و عشق

عشق ہے مرگ با شرف، مرگ حیاتِ بے شرف

۔۔۔۔۔(48)۔۔۔۔۔

کھولی ہیں ذوق دید نے آنکھیں تری اگر

ہر رہ گزر میں نقشِ کفِ پائے یار دیکھ

۔۔۔۔۔(49)۔۔۔۔۔

کھُل تو جاتا ہے مُغنی کے بم و زیر سے دل

نہ رہا زندہ و پائندہ تو کیا دل کی کشود!

۔۔۔۔۔(50)۔۔۔۔۔

کھُل نہیں سکتی شکایت کے لیے لیکن زباں

ہے خزاں کا رنگ بھی وجہِ قیام گُلِستاں

۔۔۔۔۔(51)۔۔۔۔۔

کھُلتے نہیں اس قُلزم خاموش کے اسرار

جب تک تُو اسے ضربِ کلیمی سے نہ چِیرے

۔۔۔۔۔(52)۔۔۔۔۔

کی محمّدؐ سے وفا تُو نے تو ہم تیرے ہیں

یہ جہاں چیز ہے کیا، لوح و قلم تیرے ہیں

۔۔۔۔۔(53)۔۔۔۔۔

کیا امامانِ سیاست، کیا کلیسا کے شیوخ

سب کو دیوانہ بنا سکتی ہے میری ایک ہُو

۔۔۔۔۔(54)۔۔۔۔۔

کیا بات ہے کہ صاحبِ دل کی نگاہ میں

جچتی نہیں ہے سلطنتِ روم و شام و رے

۔۔۔۔۔(55)۔۔۔۔۔

کیا بد نصیب ہوں میں گھر کو ترس رہا ہوں

ساتھی تو ہیں وطن میں، میں قید میں پڑا ہوں

۔۔۔۔۔(56)۔۔۔۔۔

کیا فائدہ، کچھ کہہ کے بنوں اور بھی معتوب

پہلے ہی خفا مجھ سے ہیں تہذیب کے فرزند

۔۔۔۔۔(57)۔۔۔۔۔

کیا مرا تذکرہ جو ساقی نے بادہ خواروں کی انجمن میں

تو پیرِ میخانہ سُن کے کہنے لگا کہ منہ پھٹ ہے، خوار ہو گا

۔۔۔۔۔(58)۔۔۔۔۔

کیا نہیں اور غزنوی کارگہ حیات میں

بیٹھے ہیں کب سے منتظر اہل حرم کے سومنات

۔۔۔۔۔(59)۔۔۔۔۔

کیفیت باقی پُرانے کوہ و صحرا میں نہیں

ہے جُنوں تیرا نیا، پیدا نیا ویرانہ کر

۔۔۔۔۔(60)۔۔۔۔۔

کیونکر خس و خاشاک سے دب جائے مسلماں

مانا، وہ تب و تاب نہیں اس کے شرر میں

۔۔۔۔۔(61)۔۔۔۔۔

کیوں اس کی زندگی سے ہے اقوام میں حیات

کیوں اس کے واردات بدلتے ہیں پے بہ پے

۔۔۔۔۔(62)۔۔۔۔۔

کیوں زیاں کار بنوں، سُود فراموش رہوں

فکر فردا نہ کروں محوِ غم دوش رہوں

۔۔۔۔۔(63)۔۔۔۔۔

کیوں ساز کے پردے میں مستور ہو لَے تیری

تُو نغمۂ  رنگیں ہے، ہر گوش پہ عُریاں ہو

۔۔۔۔۔(64)۔۔۔۔۔

کیوں مسلمانوں میں ہے دولت دنیا نایاب

تیری قُدرت تو ہے وہ جس کی نہ حد ہے نہ حساب

۔۔۔۔۔(65)۔۔۔۔۔

کیوں ہراساں ہے صَہیِلِ فرَسِ اعدا سے

نور حق بجھ نہ سکے گا نفَسِ اعدا سے

۔۔۔۔۔(66)۔۔۔۔۔

کیا ہے تجھ کو کتابوں نے کور ذوق اتنا

صبا سے بھی نہ مِلا تجھ کو بُوئے گُل کا سُراغ!

۔۔۔۔۔(67)۔۔۔۔۔

کیا گیا ہے غلامی میں مبتلا تجھ کو

کہ تجھ سے ہو نہ سکی فقر کی نگہبانی

۔۔۔۔۔(68)۔۔۔۔۔

کیا گم تازہ پروازوں نے اپنا آشیاں لیکن

مناظر دلکشا دکھلا گئی ساحر کی چالاکی

۔۔۔۔۔(69)۔۔۔۔۔

کیا ہے تُو نے متاعِ غرور کا سودا

فریب سُود و زیاں، لَا اِلٰہَ اِلّاَ اللہ

۔۔۔۔۔(70)۔۔۔۔۔

کیا رفعت کی لذّت سے نہ دل کو آشنا تو نے

گزاری عمر پستی میں مثالِ نقشِ پا تو نے

۔۔۔۔۔(71)۔۔۔۔۔

کٹ مرا ناداں خیالی دیوتاؤں کے لیے

سُکر کی لذّت میں تُو لٹوا  گیا نقدِ حیات

۔۔۔۔۔(72)۔۔۔۔۔

کُنویں میں تُو نے یوسف کو جو دیکھا بھی تو کیا دیکھا

ارے غافل! جو مطلق تھا مقید کر دیا تو نے

---

آ -  ا -  ب -  پ -  ت -  ٹ -  ج -  چ -  ح -  خ -  د -  ڈ -  ذ -  ر -  ز -  س -  ش

ص -  ض -  ط -  ظ -  ع -  غ -  ف -  ق -  ک -  گ -  ل -  م -  ن -  و -  ہ -  ے

---